Павелонь омбоце сёрмац Коринфу 5:17 - Од Соткс Новый Завет на мордовском-мокша языке 2016

¹⁷ Ся, кие Христость эса, ся – од тифкс; сембе таштсь ётась, и тяни, вов, сась одсь!

Павелонь омбоце сёрмац Коринфу 5:17 Referans Kwoze

Иоанн 3:3

Иисус каршезонза пшкядсь: «Видеста корхтан тейть: кие аф шачи одукс, вярде, сянди аф няеви Шкаень Оцязорксшись».

Павелонь сёрмац Галатияв 6:15

Вдь керфат тон али аф, тя мезевок аш Иисус Христосонь эса. Сембода эрявикссь – эряви арамс Шкаень од тифокс.

Павелонь сёрмац Риму 8:1

Тяни аш кодамонга судендама сятненди, конат Иисус Христость эса эряйхть аф колаф обуцять, а Ваймопожфть коряс,

Павелонь сёрмац Ефесу 2:10

Сяс мес минь Шкайть тифонза, Сон тиемазь минь Иисус Христосса цебярь тевонди, конатнень инголькиге ладязень тиемс тейнек.

Павелонь васенце сёрмац Коринфу 1:30

Вдь тя Сонь вельденза тинь сотоводе Иисус Христосонь мархта, конань Шкайсь тиезе тейнек смузьшикс. Христость вельде минь улеме лувфт видексшинь ломанькс Шкайть инголе, улеме аруяфтфт и идефт-рамафт воляшис.

Иоанн 15:5

Мон – виноградонь почксь, а тинь – тараткятне. Кие Монь эсон и Монга эсонзан, ся максы лама иможда. Моньфтомон тейнть мезевок аф тиеви.

Павелонь омбоце сёрмац Коринфу 5:21

Шкайсь путозе муворшить сембе минь пеженьконь инкса Христость лангс, конань прокс ашельхть пеженза. Тянь вельде Христосса минь араме видексшинь ломанькс Шкайть инголе.

Павелонь сёрмац Риму 7:6

А тяни минь куломе койти, кона тяда инголе кирдемазь эсь кядялонза. Тяфта минь мянеме койть эзда и тяни покоттяма Шкайти одкстоптф Ваймопожфса, а аф кода инголи, мзярда минь эряме сёрматф койть коряс.

Павелонь омбоце сёрмац Коринфу 5:16

Сяс тяни минь киньге колга аф арьсетяма ломанень шарьхкодемать коряс. Кда инголи минь Христостьке колга тянь лаца арьсеме, тяни тяфта аф арьсетяма.

Иоанн 3:5

Иисус азозе: «Видеста корхтан тейть: кие аф шачи ведьста и Ваймопожфть эзда, ся аф сувави Шкаень Оцязорксшити.

Павелонь сёрмац Ефесу 2:15

мзярда Эсь куломанц вельде машфтозень вийда койть кошардоманзон и кяжть, кона ульсь ётксост. Тяфта, Сон Эсьсонза кафттнень эзда тись фкя од ломань, ладямок ётксост сетьмоши,

Павелонь сёрмац Галатияв 3:28

И аш тяни аф еврей, аф лия тналонь ломань; аф уре, аф воляшистонь; аф аля, аф ава, сяс мес сембе тинь сотоводе фкя-фкянь мархта и тиеводе кода фкя ломань Христос Иисусонь эса.

Иоанн 15:2

Сон керсы эрь тараткязень, кона аф канды имошт; а эрь иможень канды тарадста керсы аф эрявиксть, тяфта ароптозь лезды тейнза сяда пяк иможиямс.

Иоанн 17:23

Мон синь эсостан, и Тон Монь эсонат. Катк синь марнек улихть фкя седиса-ваймоса. Эста масторлангсь шарьхкодьсы: Тон кучемайть Монь и кельгсайть синь, кода Монь кельгсамак.

Иоанн 14:20

Ся шиня тинь карматада содамонза: Мон Алязень эсан, тиньге Монь эсонотада, Монга эсонтан.

Павелонь сёрмац Галатияв 5:6

Вдь, кда минь сотофтама Христос Иисусонь мархта, эста сембе сяка – керф киськопеньке али аф. Эряви аньцек кемама, кона няфтеви кельгомаса.

Матфей 12:33

«Кда шуфтсь цебярь, иможензовок улихть цебярьхть; кда шуфтсь кальдяв, иможензовок улихть кальдяфт, сяс мес шуфттне содавихть иможснон коряс.

Матфей 24:35

Менельсь и модась юмайхть, но Монь валне аф юмайхть.

Павелонь васенце сёрмац Коринфу 13:11

Мзярда мон улень иднякс, эста корхтань кода идня, арьсень кода идня и шарьхкодень кода идня. Но мзярда касонь алякс, эста сембе иденнеть кадыне фталу.

Павелонь омбоце сёрмац Коринфу 5:19

Лиякс азомс, Шкайсь Сонць Христость вельде ладязень Эсь мархтонза масторлангонь ломаттнень, аф лувомок тейст муворшикс синь коень коламаснон, и макссь тейнек тев: пачфнемс кулять тя ладямать колга.

Павелонь омбоце сёрмац Коринфу 12:2

Содан Христости кемай ломань, кона кемнилие кизода инголи кепотьфоль инь вяри, мянь колмоце менельть самс. Кодамкс сон тоза повсь: ронгса али ронгфтома – аф содаса, Шкайсь тянь содасы.

Павелонь сёрмац Филиппав 4:21

Азода пара вал сембе иняру ломаттненди, конат Христос Иисуссот. Тейнть кучихть пара валхт кемай ялгане, конат тяса мархтон.

Павелонь сёрмац Риму 16:7

Пара вал Андрониконди и Юниянди, монцень масторстон ломаттненди, конат мархтон ульсть пякстамгудса и конат лац содафт апостолхнень ёткса, и конат мондедон инголе кармасть кемама Христости.

Павелонь сёрмац Риму 16:11

Пара вал монь масторстон Иродиононди и Наркиссонь кудста кемайхненди.

Павелонь сёрмац Риму 16:3

Азода пара вал Прискилланди и Акиланди, мархтон марса Иисус Христости покодихненди,

Павелонь сёрмац Риму 16:9

Пара вал Урбанонди, мархтонк Христости покодити, и кельгома ялгазти Стахиенди.

Павелонь сёрмац Риму 16:10

Пара вал Апеллесонди, кинь Христосоннекс улемац няфтьф тевса. Пара вал Аристовулонь кудэряензонды.

Лука 5:38

Од винась кайсема од кяскавга.