Павелонь омбоце сёрмац Коринфу 11:23 - Од Соткс Новый Завет на мордовском-мокша языке 2016

²³ Синь Христость покодиенза? Пади, прокс ни шорявсь прязе, но сембе сяка азса: мон сядонга лама покодян Тейнза. Мон синдедост лама вий путонь тя тевти, синдедост сяда ламоксть улень пякстамгудса, мон пефтома ламоксть улень пикссеф, и сидеста улендень кулома лангса.

Павелонь омбоце сёрмац Коринфу 11:23 Referans Kwoze

Павелонь омбоце сёрмац Коринфу 6:9

минь лувсамазь аф содавиксокс, но минь сембе содасамазь; минь лувсамазь кулома лангса ащикс, но ванода, минь эрятама; минь эсонк шавихть, но минь аф кулотама;

Павелонь омбоце сёрмац Коринфу 3:6

Сон тяфта жа макссь тейнек маштомаши улемс од сотксонь покодикс. Тя сотксть юрсонза – аф койть букванза, а Ваймопожфсь. Вдь буквась канды кулома, а Ваймопожфсь максы эряф.

Павелонь васенце сёрмац Коринфу 15:10

Но Шкайть пароказненц вельде мон тяфтаман, кодаман тяни, и Сонь пароказнец тейне максовсь аф шавоста. Мон тиень сяда лама сембе лия апостолхнень коряс, хуш тянь аф мон тиине, а Шкаень пароказнесь, кона монь мархтон.

Павелонь сёрмац Колоссав 1:29

Тянкса мон пильголангста прамс покодян и вятян тюрема Христость вийсонза, кона пяк вииста покоди монь эсон.

Павелонь сёрмац Колоссав 1:24

Тяни мон кеняртькшнян сянди, мес тинь инксонт кирдян маятамат. Мон эсь ронгозень вельде пяшкотькшнеса сянь, мезе нинге аф сатни Христость маятамасонза. Тянь мон тиса Сонь ронгонц инкса, лиякс мярьгомс, кемаень пуромксть инкса.

Апостолхнень тевсна 9:16

И Мон няфтьса тейнза, мзяра маятама сонь учсы Монь лемозень инкса».

Павелонь сёрмац Филимононди 1:9

сяка сяда цебярькс лувса пшкядемс тейть эняльдема мархта, сяс мес келькте тонь. Аф кие лия, монць, сире Павелсь, а тяни нинге Иисус Христосонь инкса пякстафсь,

Павелонь омбоце сёрмац Тимофеенди 2:9

Тянь инкса мон кирдян сталмот, мянь цинзерса пякстафан, кода пяк оцю кальдявонь тии. Но Шкаень валсь аф пякстави.

Павелонь васенце сёрмац Коринфу 3:5

Кие тяфтамсь Павел? Кие тяфтамсь Аполлос? Синь аньцек покодихть, конатнень вельде тинь саде кемамати. Эрсь эздост тиендьсы ся тевть, конань максозе Азорсь.

Еврейхненди сёрмась 10:34

Тинь марясть ризнамаснон сятнень, кит ульсть пякстамгудса. Тинь кеняртькшнеде, мзярда нельгондезь тинь уликсшинтень, сяс мес содасть: менельса тинь ули сяда цебярь уликсшинте, кона кармай улема фалу.

Павелонь омбоце сёрмац Тимофеенди 1:16

Мон эняльдян Азорти кельгозь ужяльдемс Онисифоронь кудонц, сяс мес сон сидеста озафнезе монь седизень и ашезь визде монь пякстамгудса ащемазень эзда.

Павелонь омбоце сёрмац Тимофеенди 1:8

Сяс тят визде азонкшнемс Иисус Христос Азороньконь колга ломаттненди, тяфта жа тямак визде монь, Сонь валонц пачфнеманкса пякстафть. Меколанкт, кирдить мархтон сталмонень Христость Пара кулянц инкса, надиязь Шкайть виенц лангс.

Павелонь васенце сёрмац Тимофеенди 4:6

Кда тон кармат тяфта тонафтомост эсь кемай ялгатнень, эста тон улят цебярь покодикс Иисус Христости, и сядонга касат кемамань валхнень вельде и цебярь тонафтомать вельде, конань мельге тон туть.

Павелонь васенце сёрмац Фессалоникав 3:2

а тейнть кучеськ Тимофеень, минь кемай ялганьконь, кона мархтонк покоди Шкаень тевса, пачфнесы Пара кулять Христость колга. Минь кучеськ сонь кемокстамс тинь и кеподемс-касфтомс тинь кемамантень:

Павелонь сёрмац Филиппав 2:17

Но кда тейне сави максомс эсь прязень озксказнекс тинь озксказнентень мархта, конань тинь кандсасть Шкайти эсь кемамантень вельде, эстонга карман кеняртькшнема и кеняртькшнема тинь сембонь мархтонт.

Павелонь сёрмац Филиппав 1:13

Тяфта Римонь оцязорть сембе ваны ушманонза и сембе лиятне тяса кармасть содамонза тянь: мон пякстафан, сяс мес покодян Христости.

Павелонь сёрмац Ефесу 6:20

Тя Кулять кандома мон кучфан и тяни сонь инксонза цинзерса пякстафан. Озондода, катк мон аф пелезь пачфнелине сонь, кода тейне и эряви тиендемс.

Павелонь сёрмац Ефесу 4:1

Тяфта мон, Азорть инкса пякстафсь, эняльдян тейнть: эряда тердемать питненц коряс, конаса тинь тердедязь Шкайсь.

Павелонь сёрмац Ефесу 3:1

Вага мес мон озондан Шкайти, мон Павелсь, кона тинь, лия ломаньтналоннетнень инкса и Иисус Христосонь инкса, ащан пякстафста.

Павелонь омбоце сёрмац Коринфу 11:5

Аньцек мон мезьсовок аф лувса эсь прязень сяда кальдявкс тона пефтома цебярь апостолонтень коряс.

Павелонь омбоце сёрмац Коринфу 10:7

Эрьда ванода сянь лангс, мезе тинь сельминголент! Кда кие кемоста арьси: сон Христосонне, эста тейнза эряви содамс: миньге сонь лацонза Христосоннетяма.

Павелонь омбоце сёрмац Коринфу 4:11

Эряфоньконьберьф Иисусонь инкса куломась фалу шары минь перьфканк: Иисусонь эрямацка улель няфтьф минь кулы ронгсонк.

Павелонь сёрмац Риму 8:36

«Шиньберьф эсонк шавондыхть Тонь инксот, минь лувсамазь учакс, конатнень вятьсазь печкомас».

Апостолхнень тевсна 28:30

Павел эрясь мянь кафта кизот сивотьф кудса и васьфнезень пялонза сембонь, кит сашендсть тейнза.

Апостолхнень тевсна 28:16

Мзярда минь пачкодеме Риму, сядонь оцюнясь максозень пякстафнень Римонь ушмовятить кядялу. Павел нолдафоль эрямс башка кудса мельганза ваны ушман мархта.

Апостолхнень тевсна 27:1

Мзярда ладяфоль, тейнек уема Италияв, Павелонь и лия пякстафнень максозь кесарть полкста Юлий лемса сядонь оцюняти.

Апостолхнень тевсна 25:14

Сяс мес синь ащесть тоса лама ши, Фест азондсь оцязорти Павелонь тевонц колга: «Тяса ули фкя пякстаф, конань Феликс кадозе ваныень кядяла.

Апостолхнень тевсна 21:11

Сон сувась ширезонк, сявозе Павелонь карксонц, сотозень эсь пильгонзон и кядензон, и мярьгсь: «Вов мезе корхтай Иняру Ваймопожфсь: Тяфта Иерусалимса еврейхне сотнесазь ся ломанть, кинне тя каркссь. И макссазь сонь лия ломаньтналоннетнень кядьс».

Апостолхнень тевсна 20:23

Содаса фкять: кодама ошс афолень са, Иняру Ваймопожфсь корхтай тейне: монь учсамазь пякстамгудсь и ризфне-маятаматне.

Апостолхнень тевсна 14:19

мзярда апостолхне мезьдонга аф пелезь азондсть Шкаень вал, Антиохияста и Иконияста састь еврейхть и кемафтозь ломаттнень аердомс эздост, корхтасть: «Синь корхтамасост аш мезевок виде, а сембось васькафнема». И ладязь ломаттнень каршезост. Синь пикссезь Павелонь кевса и ускозь сонь пакся ушу, арьсесть куломс шавозь.

Павелонь васенце сёрмац Коринфу 4:1

Тейнть эряви лувомс минь Христосонь покодикс, конатненди максф азондомс Шкаень салавашить.

Павелонь васенце сёрмац Коринфу 4:9

Тейне-арам, Шкайсь минь путомазь сембе ломаттнень ёткста инь мекольцекс, кода сембонь сельминголе куломас судендаф ломаттнень. Минь араме ванома вастокс масторлангти, ангелхненди, ломаттнендинге.

Павелонь васенце сёрмац Коринфу 4:11

Минь тячиень шис вачедотама и сась симоманьке, минь щамоньке – лоскотт, минь эсонк пикссихть, минь якатама вастста вастс

Павелонь сёрмац Галатияв 6:17

Катк оду кивок аф тии тейне седиень сярятьф, вдь мон каннян ронгсон аржет, конатнень тейне тиезь Иисус Азорти кемаманкса.

Павелонь омбоце сёрмац Тимофеенди 3:11

панцемасон и маятамасон, конат монь мархтон ульсть Антиохияса, Иконияса и Листраса. Кодама панцемат мон кирдень, и эрть эзда Азорсь монь идемань!