Павелонь омбоце сёрмац Коринфу 11:11 - Од Соткс Новый Завет на мордовском-мокша языке 2016

¹¹ Мес ина мон тяфта тиендян? Пади арьсетяда, мон аф кельктядязь тинь? Шкайсь содасы, мон кельктядязь тинь! Но мон сяда товга карман тиендема стане, кода тиендень,

Павелонь омбоце сёрмац Коринфу 11:11 Referans Kwoze

Павелонь омбоце сёрмац Коринфу 12:15

Тинь инксонт мон оцю мяльса максса сембозень, мезезе ули, мянь эсь прязеньге. Тянь тиса, сяс мес пяк кельктядязь тинь, но мес тинь тяшкава кржа кельгсамасть монь?

Павелонь омбоце сёрмац Коринфу 7:3

Мон тянь корхтаса тейнть аф апрякамга. Мон тяда инголенге корхтань тейнть: тинь минь седисонк, минь мархтонт марсотама куломасонга, эрямасонга.

Иоаннонди панчф няйфкс 2:23

Сонь мельганза молихненьге кулофтсайне. Эста содасазь сембе кемаень пуромксне: Мон Ся, кие содасыне ломаттнень кяшф мяльснон-арьсемаснон. И ёткстонт эрти Мон максан тевонзон коряс.

Еврейхненди сёрмась 4:13

Шкайть эзда мезевок аф кяшеви. Сонь сельмонзон инголе сембось штада и панжада, Сон – Судьяньке и Сонь инголенза тейнек сави корхтамс сембе тевоньконь колга.

Павелонь омбоце сёрмац Коринфу 11:31

Шкайсь, Иисус Христос Азороньконь Аляц, кона пефтома пингс шнаф-бславаф, содасы: мон аф васькафнян.

Апостолхнень тевсна 15:8

И Шкайсь, кона содасыне ломаттнень седиснон, няфтезе Эсь пара мяленц лия тналонь ломаттненди – казсь тейст Иняру Ваймопожф, кода тейнеконга.

Иоанн 21:17

Корхтай тейнза колмоцеда: «Симон, Ионань цёрац, тон кельгсамак Монь?» Пётр ризназевсь, мес колмоцеда кизефтезе сонь «Кельгсамак Монь?» и мярьгсь Тейнза: «Азор! Тон семботь содасак; Тон содасак: мон келькте Тонь». Иисус корхтай тейнза: «Ваныть Монь учанень.

Павелонь омбоце сёрмац Коринфу 11:10

Христость видешинц коряс, кона ули монь эсон, азса: Ахаиянь масторса киндинге аф лоткафтови монь тя прянь шнамазе.

Павелонь сёрмац Риму 1:9

Мон Шкайти сединек-ваймонек покодян, азондомок Пара кулять Сонь Цёранц колга. Сон няйсы-содасы: мон фалу лятфнетядязь тинь

Павелонь омбоце сёрмац Коринфу 2:17

Вдь минь аф ся ламотнень эзда, конат мишендьсазь Шкаень валть ярмаконь сатоманкса. Меколанкт, минь виде ваймот пачфнесаськ Шкаень валть, кода вал, кона максф Шкайть эзда. И минь тянь тиендьсаськ Шкайть сельминголе Христость виенц вельде.