Павелонь омбоце сёрмац Коринфу 1:14 - Од Соткс Новый Завет на мордовском-мокша языке 2016

¹⁴ кода ни ушедоде шарьхкодемонк. Эста, Иисус Азороньконь сама шистонза, тинь карматада шнафтома пря минь эсонк, кода миньге шнатама пря тинь эсонт.

Павелонь омбоце сёрмац Коринфу 1:14 Referans Kwoze

Павелонь сёрмац Филиппав 2:16

мзярда тиенттяда эряфонь максы валть коряс. Эста, Христость сама шистонза, мон шнафтса прязень тинь мархтонт: аф стак мон ласьконь, аф стак покодень.

Павелонь васенце сёрмац Коринфу 1:8

Сон кемокстадязь тинь петь самс, и тянь вельде тинь ульхтяда аф муворуфт Иисус Христос Азороньконь сама шистонза.

Павелонь васенце сёрмац Фессалоникав 3:13

И тянь вельде катк Сон кемокстасыне тинь седиентень улемс аф гастяфокс и инярукс Шкайть, минь Аляньконь инголе, ся шить самс, мзярда минь Азороньке Иисус мрдай сембе иняру ломанензон мархта. Аминь.

Павелонь сёрмац Филиппав 4:1

Сяс, кельгома кемай ялгане, ащеда кемоста Азорса. Кельгомне, мон лажадонь тейнть. Тинь монь кеняртьксозе и каштазозе!

Павелонь сёрмац Филиппав 1:10

и тянь вельде тинь маштсасть кочкамс сембодонга цебярть. Тяфта, Христость сама шистонза, тинь ульхтяда аруфт и аф муворуфт

Павелонь васенце сёрмац Фессалоникав 5:23

Катк Сонць Шкайсь, сетьмошинь лихтибрясь, иняруяфттядязь тинь марнек. И катк сембось тинь эсонт: ваймопожфське, ваймоське, ронгське – ванфтовихть аруста Иисус Христос Азороньконь мрдаманцты.

Павелонь сёрмац Филиппав 1:6

И мон кемоста содаса: Ся, кие ушедозе эсонт тя цебярь тевть, шумордасы сонь Христос Иисусть сама шинцты.

Павелонь омбоце сёрмац Коринфу 5:12

Минь аф шнатама пря тинь инголент, меколанкт, минь макстама тейнть туфтал шнамс пря минь мархтонк. Тяфта тинь кармай улема мезе азомс сятненди, конат шнайхть пря сянь мархта, мезе няеви, а аф сянь мархта, мезе седиса.

Павелонь омбоце сёрмац Коринфу 2:5

Кда кие эздонт кандсь тейне пичефкс, эста сон аф аньцек тейне кандсь, а сембонди тейнтьке, катк аф ламода, аш мялезе тянь касфнемс.

Павелонь сёрмац Риму 11:25

Кемай ялгат, монь мялезе панжемс тейнть фкя салаваши, кона ванфттядязь тинь надиямада аньцек эсь смузьшинтень лангс: седиень калготкстомась, кона сатозе Израилень ломаттнень финц пяльксснон, таргави аф сембе пингонди. Сон таргави аньцек снярс, мзярс аф пяшкоди лия тналонь ломаттнень лувкссна, конатненди сама Шкайти.

Павелонь васенце сёрмац Коринфу 15:31

Кемай ялгат, кода виде тя: тинь монь шнама вастозе Иисус Христос Азороньконь инголе, тяфта виде тявок: мон эрь шиня ванан куломать сельмос.

Павелонь васенце сёрмац Коринфу 11:18

Васендакиге, мон кулине, мзярда тинь кочксефтяда кемаень пуромксса, ётксонт улендихть явомат. Мон тянди аф ламода кеман.

Павелонь сёрмац Филиппав 1:26

И мзярда мон тага саян тейнть, эста тинь кармай сяда лама туфталдонт шнамс Христос Иисусть монь инксон.

Павелонь омбоце сёрмац Коринфу 9:2

Мон содаса тинь оцю мялентень лездомс, и мон шнаян эсонт Македониянь кемайхнень инголе: азондыне тейст, кода Ахаиясь аноклазень лезксонь максоматнень нинге ётай кизотькиге. И тинь тяфтама оцю мяленте лездомс, синь ётксостка ламотнень сргозьфтезень тя тевти.