Павелонь васенце сёрмац Тимофеенди 6:13 - Од Соткс Новый Завет на мордовском-мокша языке 2016

¹³ Шкайть инголе, кона максы эряф сембонди, и Христос Иисусть инголе, кона азозе видеть Эсь колганза Понтий Пилатонь инголе, мон кошартте тонь:

Павелонь васенце сёрмац Тимофеенди 6:13 Referans Kwoze

Матфей 27:11

Иисус ащесь Пилат Римонь оцюнять инголе и ся кизефнесь эсонза: «Тон еврейхнень Оцязорснат?» «Тя тон тяфта корхтат», – мярьгсь каршезонза Иисус.

Павелонь васенце сёрмац Тимофеенди 5:21

Шкайть, Иисус Христос Азорть и Сонь кочкаф ангелонзон инголе мон кошартте тонь тиендемс ня кошардоматнень коряс. Вятьк эсь пряцень сембонь мархта фкакс, инголькиге тят арьсе ломанть али тевть колга цебярьста али кальдявста.

Иоаннонди панчф няйфкс 3:14

«Лаодикиянь кемаень пуромксть ангелонцты сёрматт: "Вов мезе корхтай Аминь, валонь кирди и виде азондысь, конань вельде Шкайсь тиезе семботь:

Иоаннонди панчф няйфкс 1:5

и Иисус Христость, видеть азондыенц эзда. Сон васенцесь, кие вельмась кулофнень эзда и Сон масторлангонь сембе оцязорхнень азорсна. Сон кельгомазь минь и Эсь версонза аруяфтомазь пеженьконь эзда.

Иоанн 5:21

Вдь кода Алясь вельмафнесыне кулофнень и максы тейст эряф, стане Цёрацка максы эряф сянди, кинди ули мялец максомс.

Иоаннонди панчф няйфкс 22:1

Ангелсь няфтезе тейне эряфонь ведть ару ляенц, конань пачканза няят, кода кристаллонь пачк. Сон ушеткшнезе шудеманц Шкайть и Верозть оцязоронь озама вастснон эзда.

Иоаннонди панчф няйфкс 21:6

Сон тага мярьгсь тейне: «Ня валхне пяшкодсть! Мон Альфась и Омегась, Ушеткссь и Песь. Сянь, кинь сась симомац, Мон питнефтома симдьса эряфонь максы лихтибряста.

Павелонь васенце сёрмац Тимофеенди 6:12

Виень путозь и цебярьста тюрьхть кемамать инкса, сатнек пефтома пингонь эряфть, конанди тон и улеть тертьф, мзярда ламотнень инголе тон азондоть эсь кемамацень колга.

Павелонь васенце сёрмац Тимофеенди 2:5

Вдь Шкайсь фкя, тяфта жа Шкайть и ломаттнень ёткса аньцек фкя тевонь якафты – ломанць Христос Иисуссь,

Апостолхнень тевсна 17:25

и Тейнза аф эряви ломанень кядьса покодема, бта Сонь Сонцень кати-мезец аф сатни. Сон Сонць максси сембе ломаттненди эряф, ваймонь тарксема и семботь лиять.

Иоанн 19:11

Иисус каршезонза мярьгсь: «Монь лангсон вийце ули аньцек сяс, мес сон тейть максф вярде. Сяс сяда оцю пежец сянь, кие Монь максомань тейть».

Иоанн 14:6

Иисус мярьгсь тейнза: «Мон – кись, видешись и эряфсь; кивок аф сави Алязень пяли, аньцек кда Монь вельден сай.

Иоанн 5:26

Вдь кода Алясь эряфонь максы лихтибря, стане Цёранцка Сон тиезе эряфонь максы лихтибрякс,

Матфей 27:2

Синь сотнезь Сонь, лихтезь тоста и максозь Римонь оцюняти Понтий Пилатонди.

Павелонь омбоце сёрмац Коринфу 9:13

Иняруфне шнасазь Шкайть сянкса, мес тинь афкукс кематада Христость колга Пара куляти, конань тинь пачфнесасть-азонкшнесасть и тя лац няеви тинь покодемастонт; и шнасазь сянкса, мес тинь седи ваксста лезттада тейст и лия кемайхненди.

Павелонь сёрмац Галатияв 3:26

Тяфта, сембе тинь араде Шкаень идькс Христос Иисусонди кемамать вельде.

Павелонь васенце сёрмац Тимофеенди 1:12

Сюконян Христос Иисус Азороньконди, конац макссь тейне вий. Сюконян Тейнза, сяс мес Сон лувомань валонь кирдикс и путомань тевсонза покодикс,

Павелонь васенце сёрмац Тимофеенди 1:15

Ня валхне видет и синь эрявихть путомс седис: Иисус Христоссь сась масторлангти идемс пежуфнень, конатнень ёткста мон сембодонга пежусь.