Павелонь васенце сёрмац Тимофеенди 4:12 - Од Соткс Новый Завет на мордовском-мокша языке 2016

¹² Катк кивок аф ваны лангозт вярде алу сянкса, мес тон одат. Ульхть кепотьксокс кемайхненди корхтамаса, прянь вятемаса, кельгомаса, кемамаса и арушиса.

Павелонь васенце сёрмац Тимофеенди 4:12 Referans Kwoze

Павелонь сёрмац Титонди 2:7

И тонць ульхть кепотьксокс эрь кодама пара тевса. Катк тонь тонафтомаце ули ару, шнаф и аф гастяф,

Павелонь омбоце сёрмац Тимофеенди 2:22

Од ломанень пси-лакай маряматнень эзда тук ласькозь. Сатнек видексшить, кемамать, кельгомать, сетьмошить сембонь сятнень мархта, кит ару седиса тернесазь Азорть лездомс.

Павелонь омбоце сёрмац Тимофеенди 2:15

Сембе вийсот ёрак улемс Шкайть инголе цебярь покодикс, конанди аш мезьда виздемс тиф тевсонза и кона видеста тонафты видешинь валти.

Пёторонь васенце сёрмац 5:3

Тяда азоронда тейнть максф ломаттнень лангса, но уледа тейст цебярь кепотьксокс.

Павелонь васенце сёрмац Коринфу 11:1

Тиендеда монь лацон, кода мон тиендян Христость лаца.

Павелонь васенце сёрмац Фессалоникав 1:6

И тинь, ваномок минь лангозонк и Азорть лангс, ушедоде тиендема минь лацонк и Азорть лаца. Люпштаматнень ёткса тинь сявость седиезонт Кулять кеняртькс мархта, конань тейнть максозе Иняру Ваймопожфсь.

Павелонь сёрмац Титонди 2:15

Тянь колга корхтак, кемокстак и няфнек аф виде тефнень лангс, ся азорксшиса, кона максф тейть, и катк кивок аф ваны лангозт вярде алу.

Матфей 18:10

«Ванода, киньге ня ёмлатнень эзда тясть лува аф питникс. Корхтан тейнть, синь ангелсна менельса фалу няйсазь Монь Менелень Алязень шаманц.

Павелонь омбоце сёрмац Тимофеенди 2:7

Арьсек сянь колга, мезе мон корхтан, и Азорсь лезды тейть шарьхкодемс семботь.

Иаковонь сёрмац 3:13

Кие тинь ёткстонт смузю и шарьхкоди ломань? Катк сон тянь няфтьсы эсь эряфсонза пара тевонзон вельде, конат тиевихть сятявшиса смузьши мархта.

Иаковонь сёрмац 3:17

А смузьшись, кона валги вярде, васенда – ару мяль мархта, меле – сетьмошинь кельги, ляпе седи, мялень ваны, сон пяшксе кельгозь ужяльдемада и пара тевда, сон сембе ломаттнень лувсыне фкакс и аф канни шамафкс.

Павелонь сёрмац Филиппав 4:8

И нинге, кемай ялгат, фалу арьседа сянь колга, мезсь видешинь, мезсь лувови цебярькс, мезсь виде, мезсь ару, мезсь кельгови, мезсь кулеви парокс, мезсь цебярь и шнави.

Павелонь васенце сёрмац Фессалоникав 2:10

Тинь и Шкайсь няесть-содасть сянь, кода иняруста, видеста и аф муворуста минь вятеськ пряньконь тинь мархтонт, кит кемайхть.

Павелонь васенце сёрмац Тимофеенди 1:14

Минь Азороньке козяста валозе лангозон Эсь пароказненц кемама и кельгома мархта Христос Иисусть вельде.