Павелонь васенце сёрмац Фессалоникав 5:23 - Од Соткс Новый Завет на мордовском-мокша языке 2016

²³ Катк Сонць Шкайсь, сетьмошинь лихтибрясь, иняруяфттядязь тинь марнек. И катк сембось тинь эсонт: ваймопожфське, ваймоське, ронгське – ванфтовихть аруста Иисус Христос Азороньконь мрдаманцты.

Павелонь васенце сёрмац Фессалоникав 5:23 Referans Kwoze

Иудань сёрмац 1:24

Но Шкайть ули виец ванфтомс тинь кальдявс прамада и путомс тинь кенярдемаса афсатыксфтомокс Эсь иневалдонц инголи.

Еврейхненди сёрмась 4:12

Сяс мес Шкаень валсь эряй и вии, и кафцьке пяльде шоваф торда сяда оржа. Сон крхкаста сувай ломанень потмоти и пачкоди мянь тоза, коса ваймось и пожфсь, эзнетне и пакарь уйхне, и машты панжемс седиень мяльхнень и арьсематнень.

Павелонь васенце сёрмац Фессалоникав 3:13

И тянь вельде катк Сон кемокстасыне тинь седиентень улемс аф гастяфокс и инярукс Шкайть, минь Аляньконь инголе, ся шить самс, мзярда минь Азороньке Иисус мрдай сембе иняру ломанензон мархта. Аминь.

Пёторонь васенце сёрмац 5:10

Но тейнть аф ламос сави маятакшнемс. Маятамдонт меле Шкайсь стяфттядязь тинь, титядязь тинь афсатыксфтомокс, кемокстатядязь и максы тейнть вийхть. Эрь кодама пароказнень максы Шкайсь тердедязь тинь Христость вельде Эсь пефтома пингонь иневалдозонза.

Павелонь сёрмац Филиппав 1:10

и тянь вельде тинь маштсасть кочкамс сембодонга цебярть. Тяфта, Христость сама шистонза, тинь ульхтяда аруфт и аф муворуфт

Пёторонь васенце сёрмац 1:2

Шкай Аляньке Эсь содаманц-няеманц коряс инголькиге ни кочкадязь тинь и тиедязь Эсь Ваймопожфонц вельде Эстейнза иняру ломанькс. Тяфта тинь тиефтяда кулхцондыкс Иисус Христости и ульхтяда штафт Сонь версонза. Сяда лама пароказнеда и сетьмошида максовоза тейнть!

Павелонь сёрмац Филиппав 1:6

И мон кемоста содаса: Ся, кие ушедозе эсонт тя цебярь тевть, шумордасы сонь Христос Иисусть сама шинцты.

Пёторонь омбоце сёрмац 3:14

Сяс, кельгома ялгат, тянь учемста, тиесть семботь: ся пингоня Сон муледязь тинь арушиса и афсатыксфтомокс, Сонь мархтонза ладяйкс.

Еврейхненди сёрмась 2:11

Вдь и Ся, кие иняруяфты и сят, конат иняруяфтовихть, синь сембонь фкя Алясна. Сяс Иисус аф визди лемнемс синь брадкс. Сон корхтай:

Павелонь сёрмац Колоссав 1:22

Но тяни Сон мирендафтодязь тинь Эсь мархтонза Цёрать модалангонь ронгонц куломанц вельде, сяс мес мялец путомс тинь Эсь инголенза инярукс, афсатыксфтомокс и аф муворукс.

Павелонь васенце сёрмац Коринфу 14:33

сяс мес Шкайсь – тя сетьмошинь ладяй Шкай, а аф тапарямань-шорямань. Кода тиендихть Шкаень ломаттне сембе кемаень пуромкснень эса,

Павелонь сёрмац Риму 15:13

Катк Шкайсь, надиямань лихтибрясь, пяшкоттядязь тинь кемамантень вельде оцю кенярдемаса и максы тейнть сетьмоши. Эста тинь надияманте апак лотксек касы-оцюлгоды Шкаень Ваймопожфть виенц вельде.

Лука 1:46

Мария мярьгсь: «Седиезе шнасы Азорть,

Еврейхненди сёрмась 13:20

Сетьмошинь Шкайсь, кона вельмафтозе кулофнень эзда минь Азороньконь Иисусть (Христость), учань инь оцю Ваныть, и Сонь веронц вельде кемокстазе пефтома пингонь сотксть,

Павелонь сёрмац Риму 15:5

Катк Шкайсь, кона максси вийхть кирдемс сталмот и лястясы седить, лезды тейнть эрямс фкя мяльса-ёньца эсь ётковант Христос Иисусть тонафтоманц коряс.

Павелонь омбоце сёрмац Фессалоникав 3:16

Катк Сонць Азорсь, сетьмошинь лихтибрясь, максы тейнть сетьмоши фалу и сембоса! Улеза Азорсь сембонь тинь мархтонт!

Павелонь сёрмац Филиппав 4:9

Тиендеда сянь, мезенди тонадоде, мезе сяводе и куледе монь эздон, и мезе няеде монь эсон. Эста Шкайсь, сетьмошинь лихтибрясь, ули мархтонт.

Павелонь омбоце сёрмац Коринфу 5:19

Лиякс азомс, Шкайсь Сонць Христость вельде ладязень Эсь мархтонза масторлангонь ломаттнень, аф лувомок тейст муворшикс синь коень коламаснон, и макссь тейнек тев: пачфнемс кулять тя ладямать колга.

Апостолхнень тевсна 26:18

Кучте сельмоснон панжема, шобдать эзда валдти шарфтомост, Сатанать азорксшинц эзда – Шкайти. Мондейне кемамать вельде нолдавихть синь пежесна и максови тейст эсь пялькссна сембе иняруяфнень мархта марса".

Иоанн 17:19

Мон инксост максса Эсь прязень иняру озксказнекс, катк синьге иняруяфтовихть видешить вельде».

Иудань сёрмац 1:1

Иуда, Иисус Христосонь покодиец и Иаковонь брадоц, кучи пара вал тертьфненди, конатнень иняруяфтозень Шкай Алясь и ванфтозень Иисус Христос.

Павелонь васенце сёрмац Фессалоникав 4:3

Шкайть мялец тяфтама: эряледе тинь инярушиса и ванфтолесть прянтень усксевомада.

Павелонь васенце сёрмац Коринфу 1:2

кучихть пара вал Коринф ошень кемаень пуромксти, сембонди, кит иняруяфтфт Иисус Христосонь эса и тертьфт улемс иняру ломанькс сембонь сятнень мархта, кит эрь вастова, эсь ширесост и минь ширесонка, тернесазь Иисус Христос Азороньконь лемонц.

Павелонь сёрмац Риму 16:20

А Шкайсь, сетьмошинь лихтибрясь, курок прафтсы Сатанать пильгалонт. Иисус Христос Азороньконь пароказнец улеза тинь мархтонт! Аминь.

Павелонь сёрмац Риму 15:33

Улеза Шкайсь, сетьмошинь лихтибрясь, сембонь тинь мархтонт! Аминь.

Апостолхнень тевсна 20:32

Вов тяни, кемай ялгат, мон каттядязь тинь Шкайти и Сонь пароказнень валонцты, конанди вийс коре сядонга кемокстамс тинь и максомс тейнть сянь, мезе надияфнесь сембонди, кинь иняруяфтозе.

Павелонь васенце сёрмац Фессалоникав 2:19

Вдь кие ули тейнек надиямакс, кенярдема вастокс и шнамань каштазкс Иисус Христос Азороньконь инголе, мзярда Сон сай? Кие, кда аф тинь?

Павелонь васенце сёрмац Коринфу 1:30

Вдь тя Сонь вельденза тинь сотоводе Иисус Христосонь мархта, конань Шкайсь тиезе тейнек смузьшикс. Христость вельде минь улеме лувфт видексшинь ломанькс Шкайть инголе, улеме аруяфтфт и идефт-рамафт воляшис.

Павелонь васенце сёрмац Фессалоникав 3:11

Ина катк Сонць Шкайсь, минь Аляньке, и Иисус Христос Азороньке ладясы киньконь тейнть.

Павелонь васенце сёрмац Фессалоникав 5:22

Кирдеда пря эрь кодама кяжда.

Иаковонь сёрмац 1:4

А кирдемшканте катк пяшкоди педа-пес, сяс мес эста тинь аратада кемамаса кенерьф ломанькс и эсонт аф ули кодамовок афсатыкс.