Павелонь васенце сёрмац Коринфу 4:7 - Од Соткс Новый Завет на мордовском-мокша языке 2016

⁷ Кие мярьгсь, бта тон лияда сяда цебярят? Мезце тонь ули стама, мезть максолезе тейть аф Шкайсь? И кда тейть сембось максф кода казне, мезенди шнасак пряцень, бта тонць семботь сатыть?

Павелонь васенце сёрмац Коринфу 4:7 Referans Kwoze

Иоанн 3:27

Иоанн мярьгсь каршезост: «Ломанти мезевок аф сявови эсь лангозонза, кда тейнза аф ули максф менельста.

Пёторонь васенце сёрмац 4:10

Катк эрсь тинь эздонт покоди-лезды фкя-фкянди ся казнеса, конань тейнза максозе Шкайсь. Эста тинь, кода цебярь покодихне, видеста нолдасасть тевс Шкайть эрь кодама пароказненц.

Иаковонь сёрмац 1:17

Эрь кодама цебярь максомась и эрь кодама афсатыксфтома казнесь максовихть вярде, Шкай Алять эзда, кона тиезень сембе менелень валдоптоматнень. Сон мзярдовок аф полафни менелень валдоптоматнень цильфснон лаца, и Сонь валдоц мзярдовок аф тиеви шобдакс.

Павелонь сёрмац Риму 12:6

Тейнек максф пароказнеть коряс, эрть минь эздонк ули эсь лацонь казнец. Сяс, кда кинь ули пророчествань казнец, ся катк пророчендай эсь кемаманц коряс;

Иоанн 1:16

И Сонь пяшксешинц эзда тейнек сембонди максовсь пароказнеть лангс пароказне.

Лука 19:13

Тумстонза сон тердезень кемонь покодиензон, макссь тейст кемонь зрнянь ярмакт и мярьгсь: "Монь мрдамозон нолдасть тя ярмакть тевс".

Павелонь васенце сёрмац Коринфу 15:10

Но Шкайть пароказненц вельде мон тяфтаман, кодаман тяни, и Сонь пароказнец тейне максовсь аф шавоста. Мон тиень сяда лама сембе лия апостолхнень коряс, хуш тянь аф мон тиине, а Шкаень пароказнесь, кона монь мархтон.

Павелонь васенце сёрмац Коринфу 7:7

Вдь монь мялезе, сембе ломаттне улельхть монь лацон, но эрь ломанть сонцень казнец Шкайть эзда, фкять тяфтама казнец, омбоцеть лия.

Павелонь сёрмац Риму 12:3

Шкайть эзда максф пароказнеть коряс мон корхтан эрти эздонт: тяда арьсе эсь колгант эрявикста вельф; но арьседа эсь колгант прянь аф оцюлгофнезь, ся кемамать коряс, конань Шкайсь максозе эрти эздонт.

Павелонь сёрмац Риму 1:5

Сонь вельденза тейнек максфоль пароказнесь и апостолонь тевсь: вятелеськ сембе ломаньтналхнень Иисусонь лемс кемамати.

Павелонь васенце сёрмац Коринфу 5:6

Тейнть аш мезьса шнамс пря. Кали аф содасасть, конашкава кржа эряви шапафтомада марнек шапаксть срхкафтомс?

Павелонь васенце сёрмац Коринфу 3:5

Кие тяфтамсь Павел? Кие тяфтамсь Аполлос? Синь аньцек покодихть, конатнень вельде тинь саде кемамати. Эрсь эздост тиендьсы ся тевть, конань максозе Азорсь.