Павелонь васенце сёрмац Коринфу 4:5 - Од Соткс Новый Завет на мордовском-мокша языке 2016

⁵ Сяс пингта инголе киньге тясть суденда, мзярс аф сай Азорсь. Сон валдти лихтьсы семботь, мезе кяшф шобдаса, и тисыне няевиксокс салавань мяльхнень-арьсематнень. Эста эрти максови шнама Шкайть эзда.

Павелонь васенце сёрмац Коринфу 4:5 Referans Kwoze

Иаковонь сёрмац 5:7

Кемай ялгат, уледа куватьс кирдикс Азорть сама шинцты. Ванода, конашка оцю кирдемшкац сокайть-видить, кона ученды модать эзда козя раштафкс, и мзярс аф туй тундань али сёксень пизем.

Павелонь омбоце сёрмац Коринфу 5:10

Вдь тейнек сембонди сави арамс Христость судонц инголе, и эрти максови сембонкса сянкса, мезе сон тись ронгса эрямстонза: цебярь али кальдяв.

Павелонь васенце сёрмац Коринфу 3:13

– няфтьсы Иисус Христосонь омбоцеда сама шиц, мзярда эрть тевоц ётафтови толонь пачк, и толсь няфтьсы кодама сонь кемошиц.

Еврейхненди сёрмась 4:13

Шкайть эзда мезевок аф кяшеви. Сонь сельмонзон инголе сембось штада и панжада, Сон – Судьяньке и Сонь инголенза тейнек сави корхтамс сембе тевоньконь колга.

Павелонь омбоце сёрмац Коринфу 10:18

Вдь тевса цебярькс лувф аф ся, кие шнасы эсь прянц, а ся, кинь шнасы Азорсь.

Павелонь сёрмац Риму 2:16

Тяфта ули ся шиня, мзярда Шкайсь Иисус Христость вельде кармай судендамост ломаттнень салавань тевснон. Тяфта азф Пара куляса, конань эса мон пачфтян.

Павелонь сёрмац Риму 2:1

Сяс, ялгай, кикс тязат уле, тейть аф аралави эсь пряце, кда судендасайть лиятнень. Лиянь судендамста тон судендафтсак эсь пряцень, сяс мес судендасайть лиятнень, а тонць тиендят синь лацост.

Иоаннонди панчф няйфкс 20:12

Мон няине кулофнень, ёмлатнень и оцюфнень, конат ащесть Шкайть инголе. И няине кода панжезь книгатнень. Тяфта жа панжезь эряфонь книгатьке, и судендазь кулофнень синь тевснон коряс, кода сёрматфоль книгатнень эса.

Пёторонь васенце сёрмац 1:7

Мянь зрняське варчсеви-серепневи толса, тянь вельде няфтеви сонь афкуксшиц. Тяконь лаца тинь кемамантевок, кона сяда питни юмай зрнять коряс, варжави-сяряптеви ня стакашитнень вельде: улеза тинь кемаманте шнама вастокс, иневалдокс и пара лувксокс Иисус Христосонь сама шистонза.

Павелонь сёрмац Риму 2:29

Афкуксонь еврейсь ся, кие еврей ваймоса, и афкуксонь керфтомась ся, кона седиса. И тя Ваймопожфонь тев, а аф койста буквать. Тяфтама еврейти шнама максови аф ломаттнень эзда, а Шкайть.

Павелонь омбоце сёрмац Коринфу 4:2

Минь аердоме сембе визьксонь тефнень эзда, конат тиендевсть салава. Минь аф прафнетяма ёжу тефненди и мезьсонга аф шоворясаськ Шкаень валть, но меколанкт, аф сёпозь пачфнесаськ видешить. Тянь няемста, эрь ломанць эсь ваймовайгяльсонза, Шкайть инголе, шарьхкодьсы: нят Шкайть афкуксонь покодиенза.

Павелонь сёрмац Риму 14:4

Кият тон тяфтамсь лиять покодиенц судендамс? Сон эсь Азоронц инголе стяда ащи али прашенды. Но сон сяка кармай ащема, сяс мес Шкайти вийс коре кирдемс сонь пильге лангса.

Иоанн 5:44

Кода тинь карматада кемама, кда фкя-фкянь кядьста учсетяда шнама, а фкя-тяка Шкайть эзда шнама аф вешенттяда?

Иаковонь сёрмац 4:11

Кемай ялгат! Тяда корхта кальдявста фкя-фкянь колга. Кие сялдсы эсь кемай ялганц али судендасы, ся сялдсы и судендасы койть. А кда тон судендасак койть, эста тон ни аф коень ванфтыят, а сонь судьяц.

Лука 6:37

«Тяда суденда, и тиньге аф ульхтяда судендафт; тяда муворгофне киньге, тиньге аф ульхтяда муворгофтфт; ноляда ломанень шумот, тиньге шумонте нолдави.

Матфей 24:46

Павазу ся покодись, конань азороц мрдамстонза сатсы тяфта тиендикс.

Иоаннонди панчф няйфкс 1:7

Ванода: Сон сай коволхнень лангса; эрь сельмось няйсы Сонь, няйсазь сятка, кит сялгозь Сонь. И масторлангонь сембе ломаньтналхне аварьгодыхть Сонь инголенза. Тяфта ули! Аминь.

Пёторонь васенце сёрмац 5:4

И мзярда сай Инь Оцю Ванысь, эста тейнть максови иневалдонь аф пужи каштазсь.

Павелонь васенце сёрмац Фессалоникав 5:2

Вдь тинь тинць пяк лац содасасть, Азорть шиц сай апак учсек, кода салайсь веть.

Иоанн 21:22

Иисус корхтай тейнза: «Кда Мон ёран, кадоволь сон эряфса меки мрдамозон, тонь кодама тевце? Тон мольхть мельган».

Пёторонь омбоце сёрмац 3:4

Синь кармайхть корхтама: «Коса надияфтомась Сонь саманц колга? Атянь-атяньковок кулость, но мезевок изь полафта. Сембось моли стане, кода ульсь менельть-масторть тиеманц ушетксста».

Матфей 25:23

Азороц мярьгсь тейнза: "Пара, тон цебярь покодият и лангозт ули кода надиямс. Тонь лангозт ульсь кода надиямс ёмла тевса, тяни мон тейть максан сяда оцю тев. Сак азорцень илазонза".

Иудань сёрмац 1:14

Синь колгаст пророчендась Енох, Адамста сявомок сисемце атянь-атясь. Сон корхтась: «Вага, Азорсь сай Эсь тёжянь тёжятть иняру ангелонзон мархта –

Пёторонь омбоце сёрмац 3:12

мзярс тинь учендсасть и маласькофнесасть Шкаень шить саманц. Ся шиня каладыхть и палыхть пси толса менельхне, и солайхть менелень валдоптыхневок.

Павелонь васенце сёрмац Коринфу 15:23

Аньцек эрсь вельмай эсь пингстонза: васенда Христоссь; сяльде, мзярда Сон мрдай, сембе Христосоннетне.

Павелонь васенце сёрмац Коринфу 11:26

Сяс, эрь мезня, мзярда тинь ярхцатада тя кшида и сиптяда тя кядьгоста, тинь пачфттяда куля Азорть куломанц колга, мзярс Сон аф мрдай меки.

Павелонь васенце сёрмац Коринфу 1:7

сяс тинь кядьсонт сембе казнетне Иисус Христос Азороньконь эвондаманц учемста.

Павелонь сёрмац Риму 2:7

Сятненди, конат апак сизек тиендихть пара тефт и вешендихть Шкайть эзда шнама, пара лем и аф кулома, Шкайсь максы пефтома эряф;

Матфей 24:30

Эста менельса эвондай Ломанень Цёрать тяштьксоц. Масторлангонь сембе ломаньтналхне аварьгодыхть вярьгак вайгяльхть, мзярда няйсазь Ломанень Цёрать, кона сай менелень коволхнень лангса Эсь вийсонза и оцюдонга оцю иневалдсонза.

Павелонь васенце сёрмац Коринфу 3:8

Путысь и валондысь тиихть фкя тев, но казне эрти максови тиф тевонц коряс.

Матфей 25:21

Азороц корхтай тейнза: "Пара, тон цебярь покодият и лангозт ули кода надиямс. Тонь лангозт ульсь кода надиямс ёмла тевса, и тяни мон максан тейть сяда оцю тев. Сак азорцень илазонза".

Матфей 10:26

«Тяда пеле эздост, вдь сембось, мезсь кяшф, лиси лангти, и сембе салаваннеське арай содафокс.

Иоанн 21:23

Вов мес срадсь тя валсь кемайхнень ёткова: ся тонафнись аф кулы. Но Иисус ашезь аза тейнза: аф кулы, аньцек мярьгсь: «Кда Монь сай мялезе, илядоль сон эряфса меки самозон, тянди тонь кодама тевце?»

Павелонь васенце сёрмац Коринфу 3:14

Кинь кудоц ванфтови толса, сянди максови казне.

Павелонь васенце сёрмац Коринфу 11:16

А кда кинь мялец мархтон пялькстомс тянь кувалма, мон азса: аф минь, аф лия кемаень пуромксса аш лия обуця тяда башка.

Иаковонь сёрмац 5:9

Кемай ялгат, тяда пеняця фкя-фкянь лангс, эста тинь аф ульхтяда судендафт. Судьясь ни кенкш лангса.

Павелонь омбоце сёрмац Коринфу 10:9

Катк кивок аф арьси монь колган, бта монь мялезе эвфтемс тинь эсь сёрманень эса.