Павелонь васенце сёрмац Коринфу 4:15 - Од Соткс Новый Завет на мордовском-мокша языке 2016

¹⁵ Катк Христости кемамаса тонафтыдонт ламодонга лама, но алянте уленди аньцек фкя. Тя мон азондыне тейнть Пара кулять, и эста тинь шачеде Христос Иисусонь эса.

Павелонь васенце сёрмац Коринфу 4:15 Referans Kwoze

Павелонь сёрмац Галатияв 4:19

Идне монь, тинь инксонт мон тага кирдян маятамат, кодапт кирди авась шачфтомста, мзярс тинь аф тиефтяда Христость лаца.

Павелонь васенце сёрмац Коринфу 3:10

Шкайть эзда максф пароказнеть коряс мон, кудонь ёню путыть лаца, путонь кудъюр, а кие-бди лиясь стяфты лангозонза. Катк ина эрсь ваны эсь мельганза, кода сон путы-стяфты.

Павелонь васенце сёрмац Коринфу 9:23

Семботь тянь тиендьса Пара кулять пачфтеманкса и эстейненьге сонь бславаманц сявоманкса.

Павелонь васенце сёрмац Коринфу 9:14

Азорське тяфта ладязе: сят, кит кандсазь Пара кулять, тянь эзда и трясазь пряснон.

Пёторонь васенце сёрмац 1:23

Вдь тинь шачеде одукс аф наксада видьмоста, а Шкайть аф юмай-арай валстонза, кона эряй и кармай эряма пефтома пингс.

Иаковонь сёрмац 1:18

Тя Сон Эсь мяленц коряс шачфтомазь минь видешинь валса – макссь тейнек од эряф Иисус Христосса, и путомазь васенце вастти Эсь тифксонзон ёткса.

Павелонь сёрмац Филимононди 1:19

Мон, Павел, сёрмадан эсь кядьсон: мон пандса. Мон ни аф корхтан сянь колга, конашкава тон шумуват монь инголен, прянек-мезнек шумуват!

Павелонь омбоце сёрмац Тимофеенди 4:3

Сяс мес сай пинге, мзярда ломаттне аф кулхцондсазь шумбра тонафтомать, а эсь мяльснон коряс кочкайхть эстейст стама тонафтыхть, конат кармайхть корхтама тейст сянь, мезе синь мяльсна кулемс.

Павелонь васенце сёрмац Коринфу 9:18

Эста мезьста ащи тейне питнень пандомась? Вчёк ва мезьста: мон азондса Пара кулять питнефтома и аф ноляса тевс азорксшить, кона максф тейне, кода Пара кулянь пачфтиенди.

Павелонь васенце сёрмац Коринфу 9:12

Кда лиятнень ули азорксшисна мезевок сявомс кядьстонт, эста минь азорксшиньке кали аф сяда оцю? Но минь тя азорксшиньконь аф нолясаськ тевс, меколанкт, минь семботь кирдьсаськ, аньцек мезьсовок аф шорямс Христость колга Пара кулять пачфтеманцты.

Павелонь васенце сёрмац Коринфу 3:6

Мон путонь видьмот, Аполлос валондозень, но касфтозень синь Шкайсь.

Павелонь сёрмац Риму 15:20

Мон фалу тяряфтонь кандомс Шкаень валть тоза, коса нинге ашезь куленде Христость лемонц. Тя сяс, мес монь ашель мялезе путомс ся кудъюрт лангс, конань путозь лиятне.

Павелонь васенце сёрмац Коринфу 1:30

Вдь тя Сонь вельденза тинь сотоводе Иисус Христосонь мархта, конань Шкайсь тиезе тейнек смузьшикс. Христость вельде минь улеме лувфт видексшинь ломанькс Шкайть инголе, улеме аруяфтфт и идефт-рамафт воляшис.

Павелонь васенце сёрмац Коринфу 3:8

Путысь и валондысь тиихть фкя тев, но казне эрти максови тиф тевонц коряс.

Павелонь васенце сёрмац Коринфу 9:16

Кда мон кандса Пара кулять, тейне аш мезьса шнамс пря, сяс мес тя монь тевозе. Шкайсь кошардомань тиемс сонь! Ризф тейне, кда мон аф карман Пара кулянь азондома.

Павелонь васенце сёрмац Коринфу 15:1

Кемай ялгат, мон лятфтаса мялезонт Пара кулять, конань пачфтине тейнть, а тинь сявость сонь и эсонза кемоста ащетяда.

Павелонь омбоце сёрмац Коринфу 4:5

Вдь минь аф эсь колганк пачфнетяма куля, а Христос Иисусонь колга: Сон Азорсь, а минь тинь покодиенте Иисусонь инкса.

Павелонь сёрмац Галатияв 3:24

Койсь ульсь тейнек касфтыкс-тонафтыкс Христость самс: аралеме видексшинь ломанькс кемамать вельде.

Павелонь сёрмац Галатияв 3:25

Но тяни кемамась ни сась и минь лисеме касфтыть-тонафтыть азорксшинц алда.