Павелонь васенце сёрмац Коринфу 14:12 - Од Соткс Новый Завет на мордовском-мокша языке 2016

¹² Тяфта мархтонтка: тинь оцю мяленте сатомс Ваймопожфонь казнет – сатода сяда ламоня тяфтама казнеда, конат лездыхть касфтомс-кемокстамс кемаень пуромксть.

Павелонь васенце сёрмац Коринфу 14:12 Referans Kwoze

Павелонь васенце сёрмац Коринфу 14:26

Мезе тянь эзда лисенди, кемай ялгат? Мзярда тинь пуромкшнетяда марса, эрть тинь эздонт ули мезецка лиятненди: шнамань мор, тонафтома, Шкайть эзда панжема, лия кяльхнень лангса корхтама али тя корхтамать смузенц панжемац. И сембось тя катк тиеви кемаень пуромксть касоманкса-кемокстаманкса.

Павелонь васенце сёрмац Коринфу 14:1

Моледа кельгомать мельге и путода оцю вий Ваймопожфонь казнетнень сатоманкса, а сембода пяк – пророчендамань казнеть.

Павелонь васенце сёрмац Коринфу 12:31

Ёрада сатомс сяда оцю казнет! И тяни мон тейнть няфтьса сембодонга цебярь кить.

Павелонь васенце сёрмац Коринфу 12:7

Но Ваймопожфть покодемац макссеви эрь кемайти марстонь тевса лезксонди.

Павелонь сёрмац Титонди 2:14

Сон максозе прянц инксонк и тяфта идемазь сембе пежетнень эзда, аруяфтомазь и тиемазь минь Эстейнза ломаньтналкс, кона ваймонь путозь ёрай тиемс пара.

Павелонь сёрмац Риму 14:19

Тяфта, карматама фалу вешендемонза ся кить, кона вятьсамазь минь ладямати и кемаманьконь марстонь кемокстаманцты.

Павелонь васенце сёрмац Коринфу 14:5

Монь мялезе тяфтама: сембе тинь корхталеде лия кяльхнень лангса, но нинге сяда пара улель, кда пророчендаледе. Вдь кие пророчендай, сянь серец сяда оцю лия кяльхнень лангса корхтайть коряс. Но кда лия кяльхнень лангса корхтайсь панчсы эсь азфонц смузенц и тянь вельде кемокстасы кемаень пуромксть, эста синь сересна фкат.

Павелонь васенце сёрмац Коринфу 14:13

Сяс, лия кяльхнень лангса корхтайсь катк озонды: максовоза тейнза казне панчсемс азф валонзон смузьснон.