Павелонь васенце сёрмац Коринфу 13:13 - Од Соткс Новый Завет на мордовском-мокша языке 2016

¹³ Эрь вов, фалу улихть ня колмотне: кемамась, надиямась, кельгомась, но кельгомась эздост инь оцюсь.

Павелонь васенце сёрмац Коринфу 13:13 Referans Kwoze

Павелонь васенце сёрмац Коринфу 16:14

Катк сембось тиньцонт тиендеви кельгома мархта.

Павелонь сёрмац Колоссав 3:14

А сембодонга пяк уледа кельгикс, сяс мес кельгомась семботь сотсы марса и семботь тисы афсатыксфтомокс.

Павелонь сёрмац Галатияв 5:6

Вдь, кда минь сотофтама Христос Иисусонь мархта, эста сембе сяка – керф киськопеньке али аф. Эряви аньцек кемама, кона няфтеви кельгомаса.

Павелонь сёрмац Филиппав 1:9

Мон озондан сянксонга: нинге сядонга виензаза тинь кельгоманте содамошиса и шарьхкодемаса,

Павелонь васенце сёрмац Тимофеенди 1:5

Тя кошарксть вешфксоц – кельгомась, кона лиси ару седиста, цебярь-пара ваймовайгяльста и афкуксонь кемамаста.

Иоаннонь васенце сёрмац 2:10

Ся, кие кельгсы эсь кемай ялганц, эряй валдса, и сонь эсонза аш мезевок стама, мезсь вятель пежес.

Павелонь васенце сёрмац Фессалоникав 5:8

А минь, шивалдонь иттне, ульхтяма кятафт: щасаськ эсь лангозонк ваксарщам лаца кемамать и кельгомать, и прязонк такия лаца путсаськ надиямать идеманьконь лангс!

Павелонь омбоце сёрмац Коринфу 5:10

Вдь тейнек сембонди сави арамс Христость судонц инголе, и эрти максови сембонкса сянкса, мезе сон тись ронгса эрямстонза: цебярь али кальдяв.

Павелонь васенце сёрмац Коринфу 8:3

Но кда кие кельгсы Шкайть, сянди максовсь содамоши Шкайть эзда.

Павелонь сёрмац Колоссав 1:27

Шкайть мялецоль панжемс тейст, конашкава оцю и козя салавашить иневалдоц лия ломаньтналхненди. Тя салавашись вага мезьса: Христоссь тинь эсонт и Сон – тинь надияманте сай пингонь иневалдти.

Пёторонь васенце сёрмац 1:21

Христость вельде тинь кармаде кемама Шкайти, кона вельмафтозе Сонь кулофнень эзда и макссь Тейнза оцюши. Сяс тяни тиньге кематада и надиятада Шкайть лангс.

Иоаннонь васенце сёрмац 3:9

Кие шачф Шкайть эзда, ся аф тиенди пеже, вдь сонь эсонза эряй-ащи Шкаень видьмось. Сон афи сувави пежес, сяс мес сон шачф Шкайть эзда.

Иоаннонь васенце сёрмац 3:3

Эрь ломанць, конань ули тяфтама надиямац Шкайть лангс, тисы эсь прянц стама арукс, кодама ару Христоссь.

Иоаннонь васенце сёрмац 2:14

Мон сёрмадонь тейнть, сирет, сяс мес тинь содасасть Сянь, кона ульсь ушетксстокиге. Мон сёрмадонь тейнть, отт, сяс мес тинь виихтяда, и тиньцонт эряй Шкаень валсь, и тинь сяськость Кальдявть.

Еврейхненди сёрмась 6:19

Тя надиямась минь ваймоньконди, кода кемоста кирди и вии якорь, кона сатни иняру кошть потмонцты, мянь котфонь перяфксонц фталу.

Павелонь омбоце сёрмац Тимофеенди 1:7

Сяс мес Шкайсь ашезь макса тейнек пелемань ваймопожф, а макссь виень, кельгомань и шумбра-ару мялень ваймопожф.

Еврейхненди сёрмась 6:11

Минь пяк оцю мяленьке: катк эрсь эздонт няфти тяфтама жа оцю седиень путома петь самс, мзярс аф пяшкоди тинь надияманте.

Павелонь омбоце сёрмац Коринфу 5:15

Христос кулось сембонь инкса вага мес: эряльхть шистоннетне аф эсь инксост, а Сянь инкса, кие инксост кулось и вельмась.

Павелонь васенце сёрмац Коринфу 14:1

Моледа кельгомать мельге и путода оцю вий Ваймопожфонь казнетнень сатоманкса, а сембода пяк – пророчендамань казнеть.

Павелонь васенце сёрмац Коринфу 3:14

Кинь кудоц ванфтови толса, сянди максови казне.

Иоаннонь васенце сёрмац 2:24

Ванфтость седисонт сянь, мезе тинь куледе ушетксста сявомок. Кда эсонт фалу ули ся, мезе тинь куледе ушетксста, эста тинь карматада эряма Цёрать и Алять эса.

Лука 22:32

Но Мон озондонь тонь инксот, афоль юма тонь кемамаце. И меле, мзярда тон мрдат Тейне, кемокстайть эсь кемай ялгатнень».

Лука 10:27

Ся каршезонза: «Кельк Азорть, эсь Шкайцень, сембе седисот, сембе ваймосот, сембе вийсот, сембе шарьхкодемасот, и маластот ломанть, кода эсь пряцень».

Еврейхненди сёрмась 10:39

Но минь аф сятнень ёткста, конат пелеманкса кадозь эсь кемамаснон и повихть аду. Минь сятнень ёткста, конат кемайхть и сяс идефтяма.

Павелонь васенце сёрмац Коринфу 8:1

Тяни карман корхтама сивольть колга, конань каннесазь озксказнекс аф афкуксонь шкайхненди. Шарьхкотьф, минь сембонь улихть содамошиньке тянь колга. Но содамошись тиендьсы ломанть прянь няикс, а кельгомась ломанть касфтсы.

Павелонь сёрмац Риму 15:13

Катк Шкайсь, надиямань лихтибрясь, пяшкоттядязь тинь кемамантень вельде оцю кенярдемаса и максы тейнть сетьмоши. Эста тинь надияманте апак лотксек касы-оцюлгоды Шкаень Ваймопожфть виенц вельде.

Еврейхненди сёрмась 10:35

Сяс, тясть кадонда аф пелемать, вдь тянкса кармай инь оцю казне.

Павелонь сёрмац Колоссав 1:5

Тинь эсонт ули тя кемамась и кельгомась, сяс мес тинь надиятада сянь лангс, мезе аноклаф тейнть менельса. Тя надиямать колга тинь ни куледе, мзярда тейнть азондозь видешинь валть, лиякс Пара кулять,

Павелонь васенце сёрмац Фессалоникав 1:3

Шкайть и минь Аляньконь инголе минь най лятфнетяма сянь колга, кода тинь кемаманте няфтезе прянц тевса, кельгоманте – ваймамань аф содай покодемаса, и сянь, кода тинь кирдемшка мархта надиятада Иисус Христос Азороньконь лангс.