Павелонь васенце сёрмац Коринфу 12:25 - Од Соткс Новый Завет на мордовском-мокша языке 2016

²⁵ Тянь Шкайсь тиезе тянкса: афольхть уле ронгса явожкшнемат, а сембе пяльксне фкаста лездольхть фкя-фкянди.

Павелонь васенце сёрмац Коринфу 12:25 Referans Kwoze

Павелонь омбоце сёрмац Коринфу 13:11

Меколи, кемай ялгат, мярьган: кеняртькшнеда, петнесть-ладясть эсь эряфонтень, ваймафтода-кемокстада фкя-фкянь, уледа сембе фкя мяльса, ладяда фкя-фкянь мархта – и Шкайсь, кельгомань и сетьмошинь лихтибрясь, ули мархтонт.

Павелонь омбоце сёрмац Коринфу 8:16

Сюконяма Шкайти, кона крьвястезе Титонь седиса тинь инксонт сяка лездомань мяльть, кона палы миньге седисонк.

Павелонь васенце сёрмац Коринфу 3:3

сяс мес тянемс эрятада пежу мялентень-арьсемантень коряс. Кда тинь ётксонт ули сельмонь каяма, пялькстома и фкя-фкянь каршес молема, эста тинь ляткшнетяда стама ломанькс, конат эряйхть пежу мяльснон-арьсемаснон коряс, и тиенттяда тя масторлангонь ломаттнень лаца.

Павелонь омбоце сёрмац Коринфу 7:12

Вдь мон сёрмадыне ся сёрмать аф обжайть и аф обжафть инкса. Мон сёрмадыне сонь тейнть няфтеманкса: конашкава минь пичеттяма-канзеттяма инксонт Шкайть инголе.

Павелонь васенце сёрмац Коринфу 12:24

И аф мазы васттнень щасаськ-кяшсаськ сяда лац, мезе аф эряви тиемс мазыхнень мархта. Шкайсь сотозень ронгонь пялькснень тяфта: Сон макссь сяда оцю питне ся пяльксненди, конат тейнек марявихть аф сяшкава питникс.

Павелонь васенце сёрмац Коринфу 12:26

Кда маятай фкя пялькссь, эста мархтонза маятайхть сембе лия пяльксневок. А кда шнави фкя пялькссь, мархтонза марса кеняртькшнихть сембе лиятневок.