Павелонь васенце сёрмац Коринфу 1:12 - Од Соткс Новый Завет на мордовском-мокша языке 2016

¹² Мон корхтан ва мезень колга: эздонт финцне корхтайхть: «Мон Павелоннян», лиятне: «Мон Аполлосоннян», «Мон Кифаннян» али «Мон Христосоннян».

Павелонь васенце сёрмац Коринфу 1:12 Referans Kwoze

Иоанн 1:42

И Андрей вятезе Симононь Иисусти. Иисус варжакстсь лангозонза и мярьгсь: «Тон – Симонат, Ионань цёрацат; тон лемдеват Кифакс» – тя валть смузец: кев, Пётр.

Павелонь сёрмац Галатияв 3:17

Тянь вельде мон ёран азомс: койсь, кона эвондась ниле сятт колмогемонь кизода меле, аф машты полафтомс сотксть, конань Шкайсь инголи кемокстазе Авраамонь мархта, и аф машты нардамс Шкайть эзда максф надияфтомать.

Павелонь сёрмац Галатияв 2:9

Иаков, Кифа и Иоанн, конатне лувовсть кемаень пуромксонь юркс-нежекс, содазь тевть, кона тейне максфоль Шкайть пароказненц коряс. Эста синь венептезь кядьснон тейне и Варнаванди, кода марстонь тевонь тии ялганди. Минь саме фкя мяльс: тейнек молема лия ломаньтналхненди, а тейст молема еврейхненди.

Павелонь омбоце сёрмац Коринфу 9:6

Тевсь вага мезьса: кие кржа види, ся кржа и кочкай. А кие лама види, ся лама и кочкай.

Павелонь васенце сёрмац Коринфу 16:12

Аполлос кемай ялганьконди мон пяк энялькшнень молемс тейнть лия кемай ялганьконь мархта, но сонь аш мялец молемс тяни. Сон сай ширезонт, мзярда эвондай ётка пингоц.

Павелонь васенце сёрмац Коринфу 15:50

Но вага мезе азан тейнть, кемай ялгат: сиволень-веронь ронгть аш пяльксоц Шкаень Оцязорксшиса, кода наксадыть-юмайтьке аш пяльксоц пефтома пингса.

Павелонь васенце сёрмац Коринфу 15:5

и эвондась Кифанди, сяльде кемгафтува апостолхненди.

Павелонь васенце сёрмац Коринфу 9:5

Кали минь аш воляшиньке сявондемс мархтонк рьваньконь, лиякс мярьгомс, кемай сазороньконь, кода тиендихть лия апостолхне и Азорть брадонза, Кифавок?

Павелонь васенце сёрмац Коринфу 7:29

Кемай ялгат, мон корхтан тейнть вага мезе: пингта лядсь аф лама. Сяс катк сят, кинь улихть рьвасна, сяда тов эряйхть, кода рьвафтомотне;

Павелонь васенце сёрмац Коринфу 4:6

Кемай ялгат, мон семботь тянь азондыне Аполлосонь и эсь колган ва мезенкса: лангозонк ванозь, тинь тонадолесть кошардомать: «Катк тейнть саты ся, мезе сёрматф». Эста тинь аф карматада прянь няезь ащема фкять ширеса и улемс каршек омбоцети.

Апостолхнень тевсна 18:24

Ефесу сась фкя еврей, лемоцоль Аполлос, шачемас коре Александрияста. Алясь мазыста корхтась и лац содазень Сёрматфкснень.

Матфей 23:8

А тинь тяда мярьгонде лемнемс эсь прянтень тонафтыкс, сяс мес тонафтыенте фкя – Христоссь, а фкя-фкянди тинь сембе – браттада.

Апостолхнень тевсна 19:1

Мзярда Аполлос ульсь Коринфса, Павел ётазень пандолангонь масторхнень, сась Ефесу и васьфтсь тоса мзярошка тонафни.

Павелонь васенце сёрмац Коринфу 1:11

Кемай ялгане, тейне пачкодсь Хлоя сазороньконь ломанензон эзда, кле, тинь пялькстотада эсь ётковант.

Павелонь омбоце сёрмац Коринфу 10:7

Эрьда ванода сянь лангс, мезе тинь сельминголент! Кда кие кемоста арьси: сон Христосонне, эста тейнза эряви содамс: миньге сонь лацонза Христосоннетяма.