SAKARIA 8:3 - Ombibeli Iyapuki

³ Omwene osho ta ti: Ame ohandi shuna kuSion, ndele handi ka kala meni laJerusalem. Ndele Jerusalem tashi ka ifanwa: Oshilando shidiinini, nomhunda yOmwene womatanga ovakwaita otai ka ifanwa: Omhunda iyapuki.

SAKARIA 8:3 Referans Kwoze

SAKARIA 1:16

Onghee hano Omwene ta ti ngaha: Ame ohandi pungulukile kuJerusalem nefilonghenda. Otembeli yange tai ka tungululwa, Omwene womatanga ovakwaita ta ti. Noshiyelekifongodi tashi ka shilwa kombada yaJerusalem.”

EHOLOLO 21:3

Ndele nda uda ondaka inene ya dja meulu, tai ti: “Tala, etwali laKalunga oli li povanhu, Oye ta tula puvo, vo otava ningi ovanhu vaye, Kalunga mwene ota kala pamwe navo, Kalunga kavo;

OVAKOLOSSI 2:9

Osheshi muye mwa kala ouyadi aushe woukalunga palutu.

2 OVAKORINTO 6:16

Otembeli yaKalunga oi nekwatafano lashike noikalunga? Osheshi fye otembeli yaKalunga omunamwenyo, Kalunga ngaashi a tonga: “Ame onda hala okukala muvo, nokweenda mokati kavo, Ame ohandi kala Kalunga kavo, ovo notava ningi oshiwana shange.”

JOHANNES 14:23

Jesus okwe mu nyamukula ta ti: “Ngeenge ku na ou e hole nge, oye ta diinine eendjovo dange, naTate ota kala e mu hole, ndele fye ohatu uya kuye, ndele hatu diki onhele yokukala muye.

JOHANNES 1:14

Nondjovo ya ninga omunhu. Ye okwa kala mokati ketu, ndele fye twa tala oshinge shaye, oshinge tuu osho shEwifa laxe, okwa yada efilonghenda noshili.

JOEL 3:17

“Opo nee nye tamu ka shiiva nokutya, Aame Omwene Kalunga keni, nda kala muSion komhunda yange iyapuki. Opo nee Jerusalem otashi ka kala shiyapuki, novanailongo itava ka enda mo vali.

JEREMIA 33:16

Pomafiku enya Juda ota kulilwa naJerusalem tashi kala shihe nombudi, nedina lasho otali lukwa: “Omwene oye ouyuki wetu.”

JEREMIA 31:23

Omwene womatanga ovakwaita, Kalunga kaIsrael ota ti: “Omafiku okomesho, nge handi lundulula osho she va hanga moshilongo shaJuda nomoilando aishe tamu tiwa: ‘Omwene ne ku punike, oove onhele youyuki, oove omhunda iyapuki.’

JESAJA 66:20

Ndele vo otava ka eta kOmwene ovamwaxo ngaashi eyambo vomoiwana aishe, va londa keenghambe nokomatemba nomoipundi tai humbatwa nokomamula nokeengamelo komhunda yange iyapuki kuJerusalem, Omwene osho ta ti; ngaashi ovana vaIsrael tava etele motembeli yOmwene eendjayambo moshitoo shiyela.

JESAJA 1:26

Ndele onda hala ndi ku pe ovatokoli ngaashi va li mo nale, novapukululi voye ngaashi sha li pehovelo. Opo nee oto ka ifanwa oshilando shouyuki, noshilando shoudinini.”

EHOLOLO 21:27

Ndele keshe eshi sha nyata itashi i mo nande okanini, naau ta longo oixuna nomunaipupulu, ovovo aveke va shangelwa membo lomwenyo lOdjona.

EHOLOLO 21:10

Ndele momhepo okwa twala nge komhunda inene noile unene, ndele okwa ulikila nge Oshilando shiyapuki, Jerusalem, sha kuluka sha dja meulu kuKalunga.

JOEL 3:21

Ndelenee Ame ohandi ke va dimina po omatimba avo ohonde, aa inandi a dima po nale. Ndele Omwene ota ka kala nokukalelela muSion.”

HESEKIEL 48:35

Omidingililo omaludimbo omayovi omulongo naahetatu. Nedina loshilando tali ka ifanwa: “OMWENE OMO E LI.”

JESAJA 65:25

Embungu nodi otadi ka ombela pamwe, onghoshi otai li omwiidi ngaashi ongobe, neyoka otali li ondwi yedu; kombada yomhunda yange iyapuki itapa ningwa vali nande owii ile oshiponga, Omwene osho ta ti.

JESAJA 60:14

Ndele ovana ovamati vovahepeki voye, otave ke uya kwoove tava ende va petama, naaveshe ava ve ku dina otava wile eombe keemhadi doye, ndele tave ku ifana: “Sion, oshilando shOmwene shOmuyapuki waIsrael!”

JESAJA 12:6

Akutu! Nyakukweni nokukuwilila, onye oonakukala muSion, osheshi Omuyapuki waIsrael, Oye a kula mokati keni.”

JESAJA 11:9

Ndele vo itava ka ninga owii ile okunyona sha komhunda yange aishe iyapuki; osheshi edu alishe otali ka kala li yadi eshiivo lokushiiva Omwene, ngaashi omeva a tuvikila efuta.

JESAJA 1:21

Woo, oshilando oshidiinini osha ninga ngahelipi oshimbwada! Sho osha li shi yadi etokolo la yuka, nouyuki omo wa li, ndelenee paife osha yada ovadipai.

OMAPSALOME 48:1

Omwene Oye omunene, oku nokufimanekwa shili moshilando shaKalunga ketu, omhunda yaye iyapuki.

JESAJA 8:18

Ofye novamwange ava Omwene e va pa nge, ofye omadidiliko noikumwifa yaKalunga muIsrael, oyaKalunga komatanga ovakwaita, ou ha kala komhunda yaSion.

JESAJA 32:16

Ndele mombuwa ohamu kala etokolo loshili; nouyuki otau kala u nonhele yao medilopya loiimati.

JEREMIA 26:18

Pomafiku aHiskia, ohamba yaJuda, opa holoka Mika Omumoreset, a xunganeka nokwa lombwela oshiwana ashishe shaJuda, ndele ta ti ngaha: Omwene womatanga ovakwaita ota ti ngaha: “Sion otai limwa epya, Jerusalem otashi ningi oshala shoimbodi nomhunda yotembeli otai shituka oshikulundudu shi noixwa.”

DANIEL 9:16

Akutu Omwene, molwouyuki woye kandula po ehandu loye noupyuhandu woye koshilando shoye Jerusalem, omhunda yoye iyapuki, osheshi omolwomanyonauno etu nowii wootatekulu Jerusalem noshiwana shoye sha ninga ondjovo yesheko mokati kovanhu aveshe ve tu dingilila.

MIKA 4:1

Ndele pexulilo lomafiku, omhunda yotembeli yOmwene otai ka kala ya pamenena koxulo yeemhunda, ndele tai lepala i dule oikulundudu aishe. Ndele oko taku ka tondokela oiwana.

SEFANIA 3:13

Oixupe yaIsrael itai nyono vali, ndele itai popi vali oipupulu nomomakanya avo itamu kala elaka lokukengelelafana. Ndelenee vo otava ka kala nokulifa oimuna nokunangala ndele itava halukifwa nande kulyelye.

SAKARIA 8:16

Hano oinima ei mu noku i wanifa: mokukalafana kweni popyeni oshili. Moivelo yeni yoihokolola diinineni oshili nomatokolo ombili.

SAKARIA 8:19

“Omwene womatanga ovakwaita osho ta ti: Efiku lelidiliko lohani onhine nefiku lelidiliko lohani onhinhano nefiku lelidiliko lohani onhiheyali nefiku lelidiliko lohani onhimulongo li nokuninga keumbo laJuda ehafo nenyakuko nomafimbo oivilo i holike. Ndelenee kaleni mu hole oshili nombili.”

SAKARIA 12:6

Mefiku tuu olo ovakulunhu vepata muJuda ohandi ke va ninga ngaashi oshikwatelwa shomundilo koshi yonduba yoikuni nongaashi onyika mokati koihati. Vo otava ka lungwinifa oiwana aishe yomoushiinda wavo kolulyo nokolumosho. Ndele Jerusalem otashi pewa okukala ponhele yasho shi novanhu alushelushe muJerusalem.

EXODUS 29:45

Ndele Ame ohandi ka kala mokati kOvaisraeli; nokukala Kalunga kavo,

OMAPSALOME 2:6

“Aame tuu ou nda nangeka ohamba yange muSion komhunda yange iyapuki.”

JEREMIA 14:9

Oshike Ove u li ngaashi omulumenhu a haluka, ngaashi omuladi ou ita dulu okukwafa? Ndelenee Ove tuu ou li mokati ketu, Omwene, nafye otwe ku lukilwa. Ino tu efa ngaho.

SAKARIA 14:10

Oshikandjo ashishe tashi ka kala sha lalakana okudja kuGeba fiyo okuRimmon, kombinga yokoumbuwanhu waJerusalem, ndelenee Jerusalem shoovene tashi ka kala she litumba ponhele yasho naava va tula musho okudja koshivelo shaBenjamin fiyo okonhele yoshivelo shonale fiyo okoshivelo shokolonela nokoshungo yaHananel, fiyo omakolelo omaviinyu ohamba.