SAKARIA 8:2 - Ombibeli Iyapuki

² “Omwene womatanga ovakwaita osho ta ti: Ame ohandi diinine nouladi unene omolwaSion, heeno, molwaasho Ame handi diinine noupyuhandu unene.

SAKARIA 8:2 Referans Kwoze

JOEL 2:18

Opo nee ouladi wOmwene wa pendukila oshilongo shaye. Ndele okwa kenukila oshiwana shaye.

NAHUM 1:2

Omwene Oye Kalunga omuladi nomukongololi, heeno, Omwene Ye omukongololi, e yadi oupyuhandu. Omwene Ye omukongololi kovatondi vaye, ndele ta diinine ehandu laye kovatondadi vaye.

JESAJA 63:15

Omukali meulu, tala poshi u tale onhele yoye iyapuki noi noshinge! Ouladi woye noilonga yeenghono doye oi li peni? Okuhala kwoye komonhulo yoye nokufilwaonghenda kwoye we ku kelela nge.

JESAJA 59:17

Ndele ouyuki okwe u djala ngaashi oshivela, nokwa djala embale loshivela olexupifo komutwe waye, okwa djala oshikutu shonghone, ngaashi omunhu a djala elwakani.

NAHUM 1:6

Olyelye ta shiiva okukala ofika moipafi youpyuhandu waye? Olyelye ta kalele ehanyo lehandu laye? Exwamo lehandu laye tali ka tilwashi ngaashi omundilo, nomamanya taa topaana koshipala shaye.

SAKARIA 8:1

Ndele ondjovo yOmwene womatanga ovakwaita ye uya kwaame, ndele tai ti:

1 OMAFIMBO 12:19

Vamwe va dja yo kuManasse, ve uya kuDavid, ye eshi e uya pamwe nOvafilisti, va lwife Saul, ndelenee inave va kwafa, osheshi ovakulunhu vOvafilisti va kundafana ndele ve mu lekela, ndele tava ti: “Ye ota dulu okuyandja omitwe detu ndele ta ka ama komwene waye Saul.”