SAKARIA 2:1 - Ombibeli Iyapuki

¹ Ndele onda lyaamena ndele nda tala. Tala, opa li omulumenhu e noshiyelekifongodi meke laye.

SAKARIA 2:1 Referans Kwoze

HESEKIEL 40:3

Ndele Ye okwa twala nge ko. Ndele tala, oko kwa li omulumenhu a fa oshikushu. Nomeke laye mwa kala ongodi yoliina noshiyelekifoshiti. Ndele ye okwa kala ofika poshivelo.

SAKARIA 1:16

Onghee hano Omwene ta ti ngaha: Ame ohandi pungulukile kuJerusalem nefilonghenda. Otembeli yange tai ka tungululwa, Omwene womatanga ovakwaita ta ti. Noshiyelekifongodi tashi ka shilwa kombada yaJerusalem.”

EHOLOLO 21:15

Naau a popya naame okwa li e noshiyelekifo sholumbungu loshingoldo shokuyeleka oshilando noivelo nohote yasho.

EHOLOLO 11:1

Ndele onda pewa olumbungu la fa onhaili, ndele tapa tiwa: “Fikama, ove u yeleke otembeli yaKalunga noaltari, naava ve li mo, tava ilikana nokulinyongamena.

HESEKIEL 47:4

Opo nee ye okwa yeleka vali eyovi limwe ndele okwa taulukifa nge momeva, omeva a twa fiyo opeengolo. Ndele ye okwa yeleka vali eyovi limwe nokwa taulukifa nge momeva, omeva a twa fiyo omoshiya.

HESEKIEL 40:5

Ndele tala, pa li ekuma pondje yotembeli, le i dingilila keembinga adishe, noshiyelekifoshiti shomeke lomulumenhu osha li shi fike pomaludimbo ahamano, nokutya keshe oludimbo li fike poludimbo limwe noumbwalangadja weke. Ndele ye okwa yeleka ounene wetungo: oshiyelekifoshiti shimwe, noule wopombada: oshiyelekifoshiti shimwe.

SAKARIA 1:18

Ndele ame nda lyaamena ko nonda tala, pa li eembinga nhee.

JEREMIA 31:39

Ndele ongodi yokuyeleka otai piti ya yukilila kombada yomhunda yaGareb ndele tai kandukile kuGoa.

HESEKIEL 47:3

Omulumenhu eshi a pita e noshiyelekifongodi meke laye, ndee ta i a yuka koushilo, okwa yeleka omaludimbo eyovi limwe. Ndele ye okwa taulukifa nge momeva, omeva a twa fiyo opeemhando.

JESAJA 54:16

Tala, Ame onda shita omuhambwidi, ta pepele omundilo ndele ta hambula oilongifo, nonda shita yo omuhanauni e i hanaune po.

JEREMIA 48:25

Oluvinga laMoab la tetwa po nokwooko kwaye okwa teywa po, Omwene osho ta ti.

DANIEL 7:7

Opo nda mona memoniko oufiku, ndele tala, okwa kala oshilyani oshitine, sha tilika, tashi pendula omaxwilili, ndele oshi neenghono dihapu sho sha li shi nomayoo manene oivela, ndele osho sha hakana nokunyanyaula, ndele eshi sha xupa, oshe shi lyata nomakasha asho. Sho osha li shi lili inashi fa ikwao inya ye shi tetekela, ndele osha li shi neembinga omulongo.