SAKARIA 10:3 - Ombibeli Iyapuki

³ Ehandu lange ola xwamena ovafita novapangeli, Ame ohandi ke i handukila. Osheshi Omwene womatanga ovakwaita ota kalele oufita waye noshisho, nokutya eumbo laJuda, ndele te li ningi onghambe i nefimano moita.

SAKARIA 10:3 Referans Kwoze

HESEKIEL 34:2

“Kaana komunhu, xunganeka u vele ovafita vaIsrael eembedi. Xunganeka u tye kuvo, ovafita: Omwene Kalunga ta ti ngaha: Woo ovafita vaIsrael, vo have lilifa vovene! Ovafita ve nokulifa eedi, ndishi?

SAKARIA 11:17

Woo omufita oo mwii, ta efa eedi! Eongamukonda nali hange okwooko kwaye neisho laye lokolulyo! Okwooko kwaye naku kukute nokuli, neisho laye lokolulyo nali twike filu.

SEFANIA 2:7

Ndele omunghulo tau ka ninga ombinga yoshixupe yomeumbo laJuda. Oko vo otava ka lifa, tava ka nangala onguloshi momaumbo omuAskelon. Osheshi Omwene, Kalunga kavo, ote ke va tala nokulundulula okukala kwavo.

JEREMIA 25:34

Akutu, lileni onye ovafita, liameneni kombada nye mu lidedaule momute, onye ovanaenghono voshiwana! Osheshi efimbo leni ola fika, mu dipawe; ndelenee tamu hanauka ndele tamu ke lidenga poshi ngaashi oshitoo sha wapala shi nondilo.

OMAYELETUMBULO 21:31

Onghambe ya longekidilwa efiku lolwoodi, ndelenee okufindana taku di kOmwene.

1 PETRUS 2:12

ndele kaleni nokweenda muhe noshipo mokati kovapaani, opo nee eshi tave mu popile mowii ngaashi ovalongi vowii, mokutala oilonga yeni iwa va hambelele Kalunga mefiku lekongo.

LUKAS 1:68

“Omwene Kalunga kaIsrael na fimanekwe, osheshi e uya okutala oshiwana shaye, ndele okwe shi longela ekulilo,

RUT 1:6

Ye okwa fikama pamwe noitenya yaye nokwa dja mo medu laMoab, osheshi okwa li a uda medu laMoab nokutya, Omwene okwa dimbulukwa oshiwana shaye noku shi pa omungome.

EXODUS 4:31

Novanhu va itavela. Ndele vo eshi va uda nokutya, Omwene okwa dimbulukwa Ovaisraeli nokwa mona oudjuu wavo, vo ove linyongamena nokutwa oipala yavo poshi.

SEFANIA 1:8

Mefiku tuu olo letomenoyambo lOmwene, Ame ohandi ka kongolola omalenga novana veehamba naaveshe ava hava djala oikutu yokoilongo.

JEREMIA 50:6

Ovanhu vange ova li ngaashi ongudu yeedi ya kana. Ovafita vavo ve va twala pOminghulo keemhunda di nomapuko, va elaela keemhunda nokoikulundudu, va dimbwa onhele yetulumuko lavo.

JEREMIA 25:12

Ndelenee omido omilongo heyali nge da pita po, ohamba yaBabilon noshiwana shayo, ohandi i alulile owii wayo, Omwene osho ta ti, nedu lOvakaldea ohandi ke li ninga ombuwa fiyo alushe.

JEREMIA 11:22

onghee hano Omwene womatanga ovakwaita ota ti: Tala, Ame ohandi va handukile: ovalumenhu vavo ovanyasha otava dipawa keongamukonda, ovana ovamati noukadona otava fi ondjala.

JEREMIA 10:21

Osheshi ovafita ova li va laipikwa nongaashi inava konga Omwene, onghee ova li vehe nelao, noshiwana shavo ashishe osha li she lihana.

JESAJA 24:21

Ndele mefiku tuu olo Omwene ota tokola omatanga ovakwaita opombada meulu, neehamba dedu okombada yedu;

JESAJA 10:12

Ndelenee Omwene ngeenge a wanifa oilonga yaye aishe komhunda yaSion nomuJerusalem, opo nee ame ohandi ka handukila oshiimati shounhwa womomutima wohamba yaAsiria nefulalalo lomesho aye elinenepeko.

EIMBILOELELA 1:9

Omuholike wange, ame ohandi ku yeleke nonghambe onghadi yopetemba laFarao.

HESEKIEL 34:12

Ngaashi omufita ta kalele oufita waye weedi noshisho mefiku olo ye e li mokati keedi daye da halakanifwa, osho yo Ame ohandi ka kalela eedi dange noshisho. Ndele Ame ohandi ke di xupifa mo meenhele adishe mudo da halakanifilwa mefiku lomudimbi noloshiwiwili.

DANIEL 11:32

Ndele ovanyonauni vehangano ye ote va hongaula ve liteeke, ndelenee ovanhu ava va shiiva Kalunga kavo, otava ka kala va pama nokudiinina.

JOB 39:25

Keshiko keshe lenghuma yo tai ti: Hiah! Ndele kokule nokuli tai fimbula olwoodi, nondaka inene yovakulunhu vovakwaita neingido loita!

HESEKIEL 34:11

“Osheshi Omwene Kalunga ta ti ngaha: Tala, Ame mwene opo ndi li, Ame ohandi ka konga eedi dange noku di kalela noshisho.