SAKARIA 1:5 - Ombibeli Iyapuki

⁵ Ooxokulu ove li peni? Novaxunganeki otava kala tuu ve nomwenyo alushe?

SAKARIA 1:5 Referans Kwoze

OMUUDIFI 12:5

Ye ota ka kala e noumbada molwoikulundudu noitilifa i li mondjila. Nomuti waamandel tau piti eenhemo, noshipaxu tashi lishilile komesho noudjuu, oshimbodi shakapper itashi pendula vali ouhalu. Osheshi omunhu ta i keumbo laye laalushe, noonakulila eefya tava endaenda momapandavanda,

OMUUDIFI 12:7

fimbo ondwi inai shuna medu ngaashi ya li ko, nomhepo inai shuna kuKalunga, ou e i mu pele.

OVAHEBERI 9:27

Nongaashi ovanhu va ufilwa ve nokufya lumwe aluke nokomesho etokolo,

OILONGA YOVAYAPOSTOLI 13:36

Osheshi David eshi a longele ehalo laKalunga pefimbo laye, okwa kofa, ndele okwa ongelwa pooxekulu, ndele okwa mona eolelo.

JOHANNES 8:52

Opo Ovajuda ova tya kuye: “Paife otu shi shii nee ou na ondemoni. Abraham okwa fya novaxunganeki, ndele ove to ti: ‘ngeenge pe na ou ta diinine eendjovo dange, ita ka makela efyo fiyo alushe.’

OMUUDIFI 1:4

Epupi limwe tali piti po nepupi likwao tali uya po. Ndele edu tali kala po fiyo alushe.

OMAPSALOME 90:10

Okukala po kwetu kombada yedu oku fike pomido omilongo heyali, ngeenge okuhapu, shapu omilongo hetatu, nouwa wako: oudjuu auke netutuko; osheshi oko otaku pitilile po diva, fye ohatu vilola po.

JEREMIA 36:28

“Kufa omushangwatonywa umwe, ove u shangele mo eendjovo adishe odo dotete, da li momushangwatonywa winya wotete wa xwikwa po kuJehoiakim, ohamba yaJuda.”

OMAIMBILOKEMO 5:7

Ootate ova nyona; kave po vali. Ofye ohatu humbata owii wavo.

1 SAMUEL 25:1

Ndele Samuel okwa fya. NOvaisraeli aveshe va ongala ndele va lila eefya daye, ndele ve mu paka meumbo laye muRama. Ndele David okwa fikama nokwa ya kombuwa yaParan.

2 EEHAMBA 13:14

Ndele Elisa eshi a vela oudu ou tau mu twala kefyo, Joas, ohamba yaIsrael, ye uya kuye ndele tai mu lili ndele tai ti: “Tate, Tate, etemba laIsrael novalondi valo!”

2 EEHAMBA 13:20

Opo nee Elisa a fya ndele vo ve mu paka. Neemwiila dOvamoab de uya moshilongo pehovelo lomudo.