SAKARIA 1:4 - Ombibeli Iyapuki

⁴ Inamu kala ngaashi ooxokulu ovo va udifilwa kovaxunganeki vonale eshi va tya: Omwene womatanga ovakwaita osho ta ti: Lidilululeni nye mu aluke keendjila deni dii nokoilonga yeni ii. Ndelenee vo inava uda noinava pwilikina nge, Omwene ta ti.

SAKARIA 1:4 Referans Kwoze

OMAPSALOME 78:8

vo vaha kale ngaashi ooxe, ava va li va lundakana, nova xuma, oludi li nomutima u neteke, nomhepo yalo ihe kwete okutekuka kuKalunga.

HESEKIEL 33:11

Tya kuvo: Oshili, ngaashi Ame ndi nomwenyo, Omwene Kalunga ta ti, oshilielela, Ame ndihe nohokwe nefyo lomuhenakalunga, ndelenee omuhenakalunga ne lialuluke mondjila yaye opo a kale nomwenyo. Lialulukeni! Lialulukeni keendjila deni dii! Molwashike wa hala okufya, oove, eumbo laIsrael.

JEREMIA 35:15

Ndele Ame inandi fya ounye oku mu tumina ovapiya vange ovaxunganeki efimbo alishe, vo va tye: Lialulukeni, keshe umwe kondjila yaye ii, nye mu wapaleke oilonga yeni, ndele inamu shikula oikalunga, mu i longele, opo nee nye tamu ka kala medu leni nde li mu pa, onye nooxokulu. Ndelenee nye inamu pwilikina nomatwi eni inamu ameka kwaame.

SAKARIA 1:3

Osho hano u noku va lombwela ngaha: ‘Omwene womatanga ovakwaita ta ti ngaha: Alukileni kwaame, Omwene womatanga ovakwaita osho ta ti, opo nee naame ohandi mu alukile, Omwene womatanga ovakwaita ota ti.’

1 PETRUS 1:18

ngaashi mu shi shii onye inamu kulilwa noinima hai xulu po, oshisiliveli noshingoldo omokukala kweni kwonale mwe ku fyuulula kooxo,

OILONGA YOVAYAPOSTOLI 26:20

ndele tete onda udifila Ovadamaskus nOvajerusalem, nokonima onde shi ninga medu alishe laJudea nomovapaani yo, nda tya: Ovo ve nokulidilulula nokwaalukila kuKalunga, va longe oilonga ei ya wapalela elidilululo.

OILONGA YOVAYAPOSTOLI 3:19

Hano lidilululeni, nye mu lialuluke, omatimba eni opo a dimwe po,

MIKA 2:6

Ovaxunganeki ovanaipupulu tava ti: “Inamu udifa! Oinima ei kai shi okuudifwa. Okufifa ohoni itaku ka xula po mbela?”

AMOS 5:24

Ndelenee etokolo liyuki nali kunguluke ngaashi omeva, nouyuki ngaashi ekungulukilo lomeva itali pwinine.

HOSEA 14:1

Israel, alukila kOmwene Kalunga koye, osheshi wa pundukifwa komanyonauno oye.

JEREMIA 44:16

Ondjovo ei we tu lombwela medina lOmwene itatu i itavele nande, itatu i itavele tu dulike kwoove.

JEREMIA 26:5

nongeenge itamu pwilikine eendjovo dovapiya vange ovaxunganeki, ngaashi inandi fya ounye oku va tuma kunye, ndele nye inamu pwilikina,

JEREMIA 18:11

Hano paife lombwela ovalumenhu vomuJuda noonakukalamo muJerusalem u tye: Omwene ota ti ngaha: ‘Oshili, Ame ohandi ke mu tumina oshiponga nohandi mu diladilile owii. Alukeni keshe umwe kondjila yaye ii, wapalekeni eendjila deni noilonga yeni!’

JEREMIA 3:12

Eendjovo edi inda u ke di ingidile lwokoumbangalanhu ove u tye: ‘Aluka! Akutu oove nakuliteeka nge, Israel, Omwene ta ti; Ame itandi ke mu didivala vali, osheshi Aame omunanghenda, Omwene osho ta ti; Ame itandi ka kala nda handuka fiyo alushe.

JESAJA 31:6

Alukeni, onye Ovaisraeli, nye mu uye kuye ou mwe mu liteeka nai.

NEHEMIA 9:30

Nomido dihapu wa li u nolukeno navo ndele we va londola nOmhepo yoye nomakanya ovaxunganeki. Ndelenee vo va li inava hala okuuda. Onghee hano we va yandja momake oiwana yoilongo.

NEHEMIA 9:26

Ndele inava dulika vo ve ku twila ondubo nova ekela omhango yoye kombuda yavo. Novaxunganeki voye ovo ve va londwela, ve va alulile kwoove, ve va dipaa ndele va ninga oinima inene yoixuna yokusheka Kalunga.

NEHEMIA 9:16

Ndelenee venya, nokutya ootate, va li va shishimana nova kukutika eefingo davo ndele inava dulika koipango yoye,

ESRA 9:7

Okudja komafiku ootate fiyo onena eli fye tu nombedi inene, nomolwowii wetu fye neehamba detu novapristeli vetu va yandjwa momake eehamba doilongo, nokeongamukonda nomoukwatwa nomokutikishwa po nomokufifwa ohoni, ngaashi shi li nena eli.

2 OMAFIMBO 34:21

“Indeni mu ka pule kOmwene molwange nomolwaava va xupa po muIsrael nomuJuda, omolweendjovo domembo eli la monika. Osheshi oupyuhandu wOmwene ou wa tilwashi kombada yetu munene, shaashi ootate inava diinina ondjovo yOmwene, va ende mwaashishe sha shangwa membo eli.”

2 OMAFIMBO 30:7

Inamu kala ngaashi ooxo novamwanyoko, ovo va efa Omwene Kalunga kooxe, onghee va ninga oshitevo noshikumwifa ngaashi nye vene tamu shi mono.

JEREMIA 4:1

Israel ngeenge to aluka, Omwene ta ti, aluka u uye kwaame. Nongeenge to kombo po oixuna yoye koshipala shange, opo nee ito pumbwa okweelaela vali.

JEREMIA 23:22

Ndelenee ngeno ova li po peenghundafana detu, ngeno va udifila ovanhu vange eendjovo dange nove va alula keendjila davo dii nokowii woilonga yavo.

HESEKIEL 20:18

Ndelenee nda lombwela oludalo lavo mombuwa handi ti: Inamu kala nokweenda meenghedimhango dooxo, ndele inamu kala nokudiinina omalombwelo avo, ndele inamu linyateka noikalunga yavo.

HESEKIEL 33:4

ngeenge ope na umwe, ou ta udu ondaka yenghuma, ndelenee ina hala okulondwelwa, neongamukonda tali uya ndele tali mu kufa po, opo nee ohonde yaye oi li kombada yomutwe waye.

SAKARIA 7:7

Hado mbela eendjovo, Omwene e di udififa ovaxunganeki, fimbo Jerusalem sha li shi novanhu nosha kala shi nombili ndele sha dingililwa koilando yasho, nomanga edu lolanghele lwokoumbuwanhu nolufilufuka la li li novanhu.

2 OMAFIMBO 30:6

Eenhondoki da fikama hano ndele da ya muIsrael ashishe nomuJuda ndele da vilikila oshipango shohamba, tashi ti: “Nye Ovaisraeli, alukileni kOmwene Kalunga kaAbraham naIsak naIsrael, opo Ye a alukile kwaavo va xupa po munye ndele va xupifwa momake eehamba daAsiria.

JEREMIA 3:14

“ ‘Alukeni! Akutu nye, ovana oonakuliteeka nge, Omwene osho ta ti, osheshi Ame nde mu tambula. Ndele Ame ohandi mu ile umwe moshilando shimwe noovavali mepata limwe, nohandi ke mu twala kuSion.

JEREMIA 25:8

Onghee hano Omwene womatanga ovakwaita ota ti ngaha: Nye eshi inamu pwilikina eendjovo dange,

HESEKIEL 14:6

Onghee hano lombwela eumbo laIsrael: Omwene Kalunga ota ti ngaha: Lidilululeni nokulialuluka koikalunga yeni ndele oipala yeni inamu i taalelifa koixuna yeni aishe.

DANIEL 9:6

Ndele fye inatu pwilikina ovapiya voye ovaxunganeki, ava va popya medina loye keehamba detu nokovakulunhu vetu nokootate vetu nokovanhu aveshe vomoshilongo.