RUT 4:11 - Ombibeli Iyapuki

¹¹ Opo nee ovanhu aveshe ava va li moshivelo shoshilando novakulunhu tava ti: “Fye eendobwedi. Omwalikadi ou te uya meumbo loye na ningilwe kOmwene ngaashi Rakel nongaashi Lea, ovo aveshe vavali ova tunga eumbo laIsrael. Ninga oilonga yeenghono muEfrata, edina loye li ninge linene muBetlehem!

RUT 4:11 Referans Kwoze

GENESIS 29:32

Ndele Lea okwa ninga oufimba nokwa dala okaana okamati nokwe ka luka Ruben. Osheshi ye okwa tya: “Oshili Omwene okwa mona oluhepo lange, ndelenee paife omulumenhu wange ota ka kala e hole nge.”

MATEUS 2:6

‘Naave yo Betlehem medu laJuda, haave munininini mokati kovapangeli vomuJuda, osheshi mwoove tamu di Omwene ou ta lifa oshiwana shange shaIsrael.’ ”

MIKA 5:2

Ndele oove Betlehem Efrata, oove munini mokati komapata aJuda, mwoove tamu ka dja ou, ta ka ninga Omupangeli muIsrael. Nehovelo laye oloshitonale, heeno, olomoukwaalushe.

OMAPSALOME 132:6

Tala, otwe shi uda muEfrata, notwe shi mona mehenene laJaar:

RUT 1:2

Edina lomulumenhu oElimelek, nedina lomwalikadi waye Naomi, nomadina ovana vaye ovamati vavali: Mahlon naKiljon. Vo Ovaefrat vomuBetlehem shomuJuda, ndele ve uya medu laMoab ndele oko va kala.

DEUTERONOMION 25:9

opo nee haukwe waye oku nokweehena kuye nokudula mo onghaku yaye moipafi yovakulunhu, noku mu fiila omate moshipala shaye nokupopya a tye: ‘Hano keshe omulumenhu ina hala okudalifila omumwaina oludalo, osho ta ningwa;’

GENESIS 24:60

Ndele vo ova nangeka noupuna Rebeka ndele tava ti kuye: “Omumwameme, mwoove namu dalwe omayovi omilongo, noludalo loye nali nangale moshivelo shovanaita naave.”

OMAYELETUMBULO 14:1

Ounongo wovalikadi tau diki eumbo, ndele oulai tau li hanauna po nomake ao vene.

GENESIS 23:10

Ndele Efron okwa li omutumba pokati kovana vaHet. Opo nee Efron, Omuheti, okwa nyamukula Abraham momatwi ovana vaHet, aveshe ava va ya mo moshivelo shoshilando shaye:

GENESIS 29:25

Ndele mefiku lomongula, tala ko, opa li Lea! Onghee hano Jakob okwa lombwela Laban ta ti: “Paife hano owa ninga nge ngahelipi? Ame ondi shii onde ku longelela Rakel? Omolwashike wa kengelela nge?”

OMAYELETUMBULO 31:23

Omulumenhu waye a shiivika poshivelo, eshi ta kala ko omutumba pamwe novakulunhu voshilongo.

GENESIS 29:16

Ndele Laban okwa li e na ovana vavali oukadona, edina lomukulunhu oLea, nedina londenge oRakel.

GENESIS 35:23

Ovana vaLea ovava: Ruben (oshiveli shaJakob), Simeon, Levi, Juda, Isaskar naSebulon.

GENESIS 35:24

Ovana vaRakel: Josef naBenjamin.

DEUTERONOMION 25:7

Nomulumenhu ngeenge ina hala okuhombola haukwe waye, haukwe waye oku nokuya peenhu dovakulunhu vaye ndele na tye: ‘Haukwe wange ta anye okudalifila omumwaina edina muIsrael. Ye ina hala okushakenifila nge oshilonga shahaukwe waye.’

1 EEHAMBA 21:8

Opo nee ye a shanga onhumwafo medina laAhab nokwe i hakifa noshihako shaye nokwa tuma onhumwafo kovakulunhu novanamadina vomoshilando shaNabot, ndele va kala pamwe naNabot.

1 OMAFIMBO 2:51

Salma okwa dala Betlehem, Haref okwa dala Bet-Gader.

JEREMIA 32:10

Ame onda shanga omushangwa welandakanifo, nde u tula oshihako, ndele nda ifana eendobwedi noimaliwa onde i yelekifa oshiyelekifo.