RUT 3:3 - Ombibeli Iyapuki

³ Hano likosha u vave nokulidika u ye koshipale. Ndelenee ino lihololela omulumenhu ou, fimbo ye ina lya noina nwa.

RUT 3:3 Referans Kwoze

2 SAMUEL 14:2

Joab okwa tuma kuTekoa va ka tale ko omukainhu omunaendunge ndele ta ti kuye: “Liningifa ngaashi ou ta nyika oluhodi u djale oshikutu sheefya. Ino vava omaadi, ndelenee kala ngaashi omwalikadi ou ta lili eefya omafiku mahapu omolwanakufya.

ESTER 5:1

Mefiku etitatu Ester okwa djala ngaashi ohamba nokwa ya a ka kale ofika mehale lomeni longulu yohamba a yukilila olupale lohamba, fimbo ohamba tai kala omutumba kolukalwapangelo layo molupale louhamba, ya shaama noshivelo sholupale.

MATEUS 6:17

Ndelenee ove ngeenge to lidilike oikulya, vaeka omutwe woye ndele kosha oshipala shoye,

OMUUDIFI 9:8

Oikutu yoye nai kale alushe i yela, nomaadi komutwe woye aha pumbwe ko.

OMAPSALOME 104:15

nomaviinyu, aa taa hafifa omutima womunhu, opo a vemife oshipala shaye komaadi, Ye a pameke omutima womunhu neendja.

RUT 3:2

Boas, ou povapiya vaye ovakainhu wa kala, oye omukwetu. Tala, oufiku wonena ye ota xu oilya moshipale.

RUT 3:4

Ye eshi ta ka nangala, tala apa ta ka nangala, ndele to i ko, ove u uvukulule ekumbafa keemhadi daye, u nangale po. Ye ote ku lombwele, osho u noku shi ninga.”

2 SAMUEL 12:20

Opo nee David a penduka pedu ndele e likosha nokulivaeka ndele ta djala oikutu imwe ndele ta i kongulu yOmwene ndele ta indile. Opo nee e uya meumbo laye ndele ta pula eendja ndele ta li.

HESEKIEL 16:9

Ame nde ku kosha nomeva ndele nda feta po ohonde yoye ndele nde ku vaeka omaadi.