RUT 1:5 - Ombibeli Iyapuki

⁵ Ndele Mahlon naKiljon, aveshe vavali, eshi va fya nomwalikadi a fiwa po kovana vaye ovamati vavali nokomulumenhu waye.

RUT 1:5 Referans Kwoze

LUKAS 7:12

Ndele eshi a ehena koshivelo shoshilando, tala, omufi a humbatwa mo, omumati ewifa laina omufiyekadi, novanhu vahapu vomoshilando ove mu findikila.

JEREMIA 2:19

Owii woye mwene otau ku denge, nokuliteeka kwoye kudjuu otaku ku handukile. Hano, kala u shi shii nokumona oululu woshiponga shoye apa u fike, eshi wa efa Omwene Kalunga koye, ndele ino kala nokutila nge. Omwene osho ta ti, Omwene womatanga ovakwaita.

JESAJA 49:21

Opo nee ove to ka diladila momutima woye, ndele to ti: “Olyelye a dalela nge ounona ava? Ngeno onda li ndihe na oludalo, nda li ongadji, nda li nda tewa mo nonda hengwa po. Olyelye e va kulifa? Tala, onda kala po aame andike. Ounona ava, vo ova li peni?”

DEUTERONOMION 32:39

“ ‘Taleni hano, nokutya Aame tuu ou, ndele kape na oshikalunga shimwe ponho yange. Ame handi dipaa ndele Ame handi tula omwenyo. Ame ohandi teyaula po, ndele Ame ohandi velula; ndele pehe na nande umwe ta xupifa momake ange.

RUT 1:2

Edina lomulumenhu oElimelek, nedina lomwalikadi waye Naomi, nomadina ovana vaye ovamati vavali: Mahlon naKiljon. Vo Ovaefrat vomuBetlehem shomuJuda, ndele ve uya medu laMoab ndele oko va kala.

RUT 1:4

ndele va hombolela ko ovalikadi Ovamoab. Edina laumwe oOrpa, nedina lamukwao oRut. Ndele vo va kala ko omido ngeno omulongo.

RUT 1:6

Ye okwa fikama pamwe noitenya yaye nokwa dja mo medu laMoab, osheshi okwa li a uda medu laMoab nokutya, Omwene okwa dimbulukwa oshiwana shaye noku shi pa omungome.