OMAYELETUMBULO 8:15 - Ombibeli Iyapuki

¹⁵ Kekwafo lange eehamba tadi pangele, novapangeli tava pangele eemhangela da yuka.

OMAYELETUMBULO 8:15 Referans Kwoze

OVAROMA 13:1

Omunhu keshe na dulike kovapangeli ava have mu pangele. Osheshi kape na nande epangelo inali dja kuKalunga; ovapangeli ava ve li po, ova tulwa po kuKalunga.

DANIEL 2:21

Oye ta lundulula omafimbo neetundi, ndele Ye ota xutula eehamba noha nangeke eehamba, ndele Oye ha yandje ounongo kovanongo nomayele kovanamayele.

MATEUS 28:18

Ndele Jesus okwe uya kuvo, okwe va lombwela ndele ta ti: “Ame onda pewa eenghono adishe meulu nokombada yedu.

EHOLOLO 19:16

Ndele moshikutu shaye ponho yaye opa shangwa edina laye: “Ohamba yeehamba nOmwene wo vene.”

DANIEL 4:32

Ndele to tewatewa mokati kovanhu, ndele to ka kala pamwe noifitukuti yomoixwa, to ka lya omwiidi ngaashi eengobe, ndele ove oto ka pitifa po omafimbo aheyali, fiyo oto ka shiiva nokutya, ou wOkombadambada oku neenghono okupangela oshilongo shovanhu noku shi pa ou Ye a hala.”

EHOLOLO 19:11

Opo nee nda mona eulu la yeuluka, ndele tala, onghambe itoka, nomulondi wayo okwa lukwa Omudiinini nOmunashili, ndele ta tokola ndele ta lu mouyuki.

DANIEL 4:25

Ove to tewa mo mokati kovanhu, ndele to ka kala pamwe noifitukuti yomoixwa, oto ka pewa omwiidi ngaashi eengobe, oto ka kala wa tuta komume yokeulu; ndele osho ngaho ove to pitifa po omafimbo aheyali, fiyo to ka shiiva, ou wOkombadambada oha pangele oshilongo shovanhu ndele te shi pe ou Ye a hala.

JEREMIA 33:15

Pomafiku enya nomefimbo tuu olo ohandi ka tutumifila David oshitutumine shouyuki, ndele ye ota ka longa oshili nouyuki moshilongo.

JESAJA 1:26

Ndele onda hala ndi ku pe ovatokoli ngaashi va li mo nale, novapukululi voye ngaashi sha li pehovelo. Opo nee oto ka ifanwa oshilando shouyuki, noshilando shoudinini.”

OMAPSALOME 99:4

nokuhambelela epangelo lohamba, Ove u hole oshili. Ove wa pangela po omhangela ya yuka ya pama nawa. Oshili nouyuki Oove we u ikifa muJakob.

1 OMAFIMBO 28:5

Ndele movana vange ovalumenhu, osheshi Omwene a pa nge ovana vahapu vovamati, okwa hoolola mo Salomo, a kale omutumba kolukalwapangelo louhamba wOmwene okupangela Ovaisraeli aveshe.

1 EEHAMBA 10:9

Omwene Kalunga koye na hambelelwe, eshi e ku hokwa nokwe ku kaleka omutumba kolukalwapangelo laIsrael! Omwene eshi e hole Israel fiyo alushe, Ye okwe ku ninga ohamba u longe ouyuki naasho sha yuka.”

1 EEHAMBA 5:7

Hiram eshi a uda eendjovo daSalomo, okwa hafa shili ndele ta ti: “Omwene na hambelelwe, ou a pa David omona omunaendunge, ta pangele oshiwana eshi shinene.”

1 EEHAMBA 3:28

Ndele Ovaisraeli aveshe va uda nhumbi ohamba ya tokola eendjovo odo, ndele va tila ohamba. Osheshi va mona nokutya, muye omu neendunge daKalunga okutokola pauyuki.

1 EEHAMBA 3:9

Pa hano omupiya woye omutima u neduliko ndi shiive okupangela pauyuki ovanhu voye, nokutongola ouwa nowii, osheshi olyelye ta dulu okupangela oshiwana eshi shinene shoye shi fike apa?”

1 SAMUEL 16:1

Opo nee Omwene ta ti kuSamuel: “Fiyo onaini to nyika oluhodi omolwaSaul? Ame nde mu ekelashi aha kale vali ohamba Ovaisraeli. Yadifa oshanga yoye omaadi u ye. Ame ohandi ku tumu kuIsai Omubetlehem, osheshi movana vaye ovamati, Ame nde lihoololela ohamba.”

1 SAMUEL 9:17

Samuel eshi a mona Saul, Omwene okwe mu lombwela: “Omulumenhu oye ou nde ku lombwelele. Ye ota ka pangela ovanhu vange.”

2 OMAFIMBO 1:10

Pe nge hano paife ounongo nomayele opo ndi dule okufikama nokwaaluka komesho yoshiwana eshi. Osheshi olyelye ta dulu okupangela oshiwana eshi shinene?”

OMAPSALOME 2:10

Hano eehamba nye, paife pukulukeni, ovatokoli nye vokombada yedu, lungameni.

OMAYELETUMBULO 8:16

Okekwafo lange ovapangeli nomalenga novatokoli aveshe kombada yedu tava pangele.

OMAYELETUMBULO 29:4

Ohamba tai pameke oshilongo shayo nouyuki. Ndelenee omulumenhu ou ta fendelifa nokufininika, ote shi hanauna po.

2 OMAFIMBO 1:11

Opo nee Kalunga ta ti kuSalomo: “Shaashi ove u nomutima wa tya ngaha, ndele ino indila oupuna, omamona nefimano neemwenyo dovatondadi voye ile u mone omwenyo mule, ndelenee we liindilila ounongo nomayele, u dule okupangela oshiwana shange, musho Ame nde ku ninga ohamba,