OMAYELETUMBULO 7:1 - Ombibeli Iyapuki

¹ Omumwange, diinina eendjovo dange, u tuvikilile mwoove oipango yange,

OMAYELETUMBULO 7:1 Referans Kwoze

OMAYELETUMBULO 1:8

Omumwange, pwilikina outekuduliko waxo, ndele ino ekelashi elongo lanyoko.

EHOLOLO 1:3

Omunelao oyou, ta lesha eendjovo domaxunganeko ou naava tave di pwilikine nokudiinina eshi sha shangelwa mo, osheshi efimbo oli li popepi.

LUKAS 11:28

Ndele Ye okwa tya: “Oshili, ovanelao ovava tava udu eendjovo daKalunga ndele tave di diinine.”

EHOLOLO 22:9

Ndele ye okwa tya kwaame: “Ino shi ninga, osheshi aame omupiya mukweni nowovamwaxo ovaxunganeki nowaava tava diinine eendjovo domomushangwa ou; linyongamena Kalunga.”

JOHANNES 14:23

Jesus okwe mu nyamukula ta ti: “Ngeenge ku na ou e hole nge, oye ta diinine eendjovo dange, naTate ota kala e mu hole, ndele fye ohatu uya kuye, ndele hatu diki onhele yokukala muye.

JOHANNES 15:20

Dimbulukweni eendjovo odo nde di mu lombwela: ‘Omupiya ke dule Omwene waye.’ Ngeenge va taataa nge, otave mu taataa yo. Ngeenge va diinina eendjovo dange, nodeni otave di diinine yo.

OMAYELETUMBULO 3:1

Omumwange, ino dimbwa elongo lange, nomutima woye nau diinine oipango yange;

JOB 22:22

Tambula elongo lokanya kaye neendjovo daye di tuvikila momutima woye.

LUKAS 8:15

Ndele odo domedu liwa ovovo tava kwatele eendjovo ve di uda momitima diwa dihe noihelele, ndele otava imi oiimati moudiinini.

DEUTERONOMION 11:28

nefingo, nye ngeenge itamu dulika koipango yOmwene Kalunga keni, ndele tamu kanduka mo mondjila tuu ei ame handi i mu lombwele nena eli, ndele tamu shikula oikalunga imwe, ei inai shiivika kunye.

OMAYELETUMBULO 10:14

Ovanongo hava tuvikile eshiivo, ndelenee okanya kelai oko ehanauko li li popepi.

OMAYELETUMBULO 4:21

Ino di kandula po koshipala shoye, di diinina meni lomutima woye.

OMAYELETUMBULO 6:20

Omumwange, diinina oshipango shaxo, ino ekelashi elongo lanyoko.

OMAYELETUMBULO 6:35

Ye ina hala nande ofuto, ndele ita itavele nande u hapupalife ofuto yoye.

OMAYELETUMBULO 5:5

Eemhadi daye tadi kulukile mefyo, neenghatu daye tadi twala moshovafi.