OMAYELETUMBULO 5:3 - Ombibeli Iyapuki

³ Osheshi omilungu domukainhu wovanhu tadi ndoda omaadi eenyiki, nondakona yaye i nomufenhu ngaashi omaadi,

OMAYELETUMBULO 5:3 Referans Kwoze

OMAYELETUMBULO 2:16

opo a xupifwe momukainhu wovanhu, omuholi woipala, ou te likwatele neendjovo daye,

OMAYELETUMBULO 7:21

Ye okwe mu hongaula nokupopya kwaye kuhapu, molwomufenhu womilungu daye ye okwe mu yula.

OMAYELETUMBULO 7:5

Opo do di ku amene komukainhu wovanhu, komuhaelwa, ou ta popi neendjovo delihalifo.

OMAYELETUMBULO 6:24

opo yo i ku amene komukainhu mwii, nokelaka lomufenhu lomukainhu wovanhu.

OMAPSALOME 55:21

Eendjovo dokanya kaye oda fa di nomulyo, mboli momutima waye omu noita. Elaka laye oliwa, li nomufenhu ngaashi omaadi, ndelenee olo omikonda da pweywa mo.

OMAYELETUMBULO 5:20

Ndelenee omumwange, omolwashike u xupule pomukainhu wovanhu ndele u papatele omavele ombwada?

OMAYELETUMBULO 22:14

Okanya komukainhu wovanhu oko elambo lile. Ou ta hangika kehandu lOmwene, ota wile mo mulo.

EIMBILOELELA 4:11

Omilungu doye, omuvalekwa wange, tadi ndodele omaadi eenyiki. Pelaka loye ope nomaadi eenyiki nomashini, nedimba loikutu yoye li li ngaashi edimba laLibanon.

OMUUDIFI 7:26

Ndele nda mona sha shilula shi dule efyo: Omukainhu e nomutima wa fa eendjadja, nomake aye e li ngaashi omalyenge. Omunhu ou ta wapalele Kalunga ota xupifwa muye, ndelenee omulongi woulunde ta kwatwa kuye.