OMAYELETUMBULO 4:3 - Ombibeli Iyapuki

³ Osheshi ame eshi nda li omona watate wokashendjelutu newifa lameme,

OMAYELETUMBULO 4:3 Referans Kwoze

1 OMAFIMBO 22:5

Osheshi David ta ti: “Omumwange Salomo omunyasha wokasheshelutu ndele ongulu oyo tai ka tungilwa Omwene, i nokuninga inene i dule eengulu adishe, i ninge etumbalo newapalo loilongo aishe. Nandi mu longekidile hano etungo.” Onghee hano David, fimbo ina fya, a longekida oitungifo ihapu.

OVAROMA 12:16

Kaleni mu nediladilo limwe, inamu lovelela ei oinenenima, kaleni mwa wana naai ixupi. Inamu litala onye ovanaendunge.

1 OMAFIMBO 29:1

Ohamba David ya lombwela vali oshiongalele ashishe: “Omumwange Salomo, ou a hoololwa kuKalunga, ye omunyasha noke na eshiivo la wana, noshilonga oshinene, ndelenee ouhamba oo kau fi womunhu, ndelenee owOmwene Kalunga.

SAKARIA 12:10

Ndele ohandi ka tilila keumbo laDavid nokombada yoonakukalamo muJerusalem Omhepo yonghenda noyeilikano. Ndele otava ka tala ou a tuwa kuvo. Ndele otave ke mu lila ngaashi ewifa tali lilwa, ndele tave ke mu lilila unene, ngaashi oshiveli ta nyikilwa unene oluhodi.

JEREMIA 10:23

Akutu, Omwene, ondi shi shii nokutya, ondjila yomunhu ihai kala mepangelo laye mwene, ile mepangelo lomulumenhu, nhumbi ta ende, nhumbi ta yukifa eenghatu daye.

1 OMAFIMBO 3:5

Ndele muJerusalem okwa dalelwa ava: Simea naSobab naNatan naSalomo, vane kuBat-Sua, omona okakadona kaAmmiel.