OMAYELETUMBULO 4:23 - Ombibeli Iyapuki

²³ Omutima woye u amena komesho yoinima aishe oyo i nokwaamenwa, osheshi muwo otamu di omwenyo.

OMAYELETUMBULO 4:23 Referans Kwoze

LUKAS 6:45

Omunhu muwa oha pitifa mo memona liwa lomutima waye ouwa, ndele ou mwii oha pitifa mo owii memona laye lowii, osheshi osho shi yadi omutima, okanya ohake shi popi.

OMAYELETUMBULO 13:3

Ou ta lungamene okanya kaye, ota amene okukalamwenyo kwaye. Ou ta makula unene omilungu daye, ota i mehanauno.

JEREMIA 17:9

Omutima woovene ou nomakoto u dule ashishe nowa nyonauka. Olyelye ta dulu oku u shiiva?

MATEUS 15:19

Osheshi momutima omo hamu di omadiladilo mai, omadipao, omanyonohombo, oluhaelo, oulunga, omalundilafano, omasheko.

OMAYELETUMBULO 23:19

Omumwange, uda, u mone eendunge, yukifa omutima woye u yukilile mondjila.

OMAYELETUMBULO 28:26

Ou te lineekele omutima waye mwene, oye elai. Ndelenee ou ha ende neendunge ota xupifwa.

MARKUS 14:38

Kaleni oupafi, nye mu ilikane, muha hangike komayeleko, heeno, omhepo oya hala, ndelenee ombelela oi na oungone.”

DEUTERONOMION 4:9

Kala wa lungama u lipashukile, uha dimbwe eshi we shi mona nomesho oye mwene, ndele shiha dje mo momutima woye mokukala kwoye akushe, ndelenee u shi shiivifile ovana voye novatekulu voye,

OVAHEBERI 12:15

Litaleni, paha kale nande umwe te likufa mefilonghenda laKalunga, paha tutume nande omudi woululu mokati keni ndele tau eta edundakano ndele vahapu tava nyatekwa kuwo.

OMAYELETUMBULO 4:7

“Efina lounongo oleli: Likongela ounongo, ndele likongela omayele noinima aishe u i kwete.

OMAYELETUMBULO 3:21

Omumwange, oinima ei iha dje mo momesho oye, diinina eshiivo neendunge,

OMAYELETUMBULO 22:5

Omakiya neemwiyo di li mondjila yomunaipupulu, ou ta kala kokule nayo, ota amene omwenyo waye.

OMAYELETUMBULO 11:16

Omukainhu a wapala ota fimanekwa, novanaenghono tave lilikolele oupuna.

OMUUDIFI 5:13

Nda mona koshi yetango oshiponga shidjuu: oupuna owo wa tuvikilila oshipuna omupya.

MATEUS 15:18

Ndelenee keshe osho hashi di mokanya ohashi di komitima, ndele tashi nyateke omunhu.

2 EEHAMBA 10:31

Ndelenee Jehu ina diinina nokweenda nomutima aushe momhango yOmwene Kalunga kaIsrael. Ye ina yapuka mo momatimba aJerobeam ou a hongaula Israel okunyona.

OMAYELETUMBULO 16:17

Ondjila yovayuki tai kukuma owii, naau ta pashukile okweenda kwaye, ota amene omwenyo waye.