OMAYELETUMBULO 4:18 - Ombibeli Iyapuki

¹⁸ Fimbo elila lovayuki li li ngaashi eluwa tali tende, lo tali eta ouyelele tau hapupala fiyo omutenya tau tu,

OMAYELETUMBULO 4:18 Referans Kwoze

JOHANNES 8:12

Ndele Jesus okwe va lombwela vali, ta ti: “Aame ouyelele wounyuni; ou ta shikula nge, ita ende momulaulu, ndele ota kala e nouyelele womwenyo.”

JOB 11:17

Okukalamwenyo kwoye taku ka kala ku nouyelele u dule ou wopokati komutenya; ndele nande naku laule, tau kala ngaashi etango longula.

DANIEL 12:3

Ndele ovanaendunge otava ka vilima ngaashi evalelwa leulu, naava tava twala vahapu kouyuki, ngaashi eenyofi alushe fiyo alushe.

2 OVAKORINTO 3:18

Ndelenee atushe ava hatu tale noipala ya tuvikululwa oshinge shOmwene, ngaashi moshitengelelo, ohatu shituka tu fe efano tuu olo omoshinge okoshinge, ngaashi Omwene Oye ou Omhepo ta shitulula.

OVAFILIPPI 2:15

opo mu kale ovahenashipo, mwa koshoka, ovana vaKalunga, muhe na edilo mokati koludi eli la pilalala nola ngolyoka, mu vilime mokati kavo ngaashi eenyofi mounyuni,

2 PETRUS 1:19

Nonena otu nondjovo youxunganeki ya pamenena i dule yonale notamu wapeke, ngeenge tamu i diinine nawa momitima deni ngaashi onyika tai minikile momulaulu fiyo taku shi, nonyofi yongula tai piti.

MATEUS 5:16

“Osho ngaha nouyelele weni nau minikile moipafi yovanhu, va mone oilonga yeni iwa nova hambelele Xo yeni meulu.

MATEUS 5:14

“Onye ouyelele wounyuni. Oshilando sha tungilwa komhunda itashi dulu okuhondama.

OMAPSALOME 84:7

Otava ende alushe meenghono dipe, fiyo tava fiki koshipala shaKalunga muSion.

JESAJA 26:7

Elila lomuyuki ola yuka, elila lomuyuki, Ove to li yelakanifa.

2 SAMUEL 23:4

oye ngaashi etendo leluwa mepito letango, ngaashi ongula ihe noilemo tai vadima edu eshi tali eta oxuluxulu, odula eshi ya loka.

EHOLOLO 22:5

Ndele itamu kala oufiku, ngaashi itava pumbwa ouyelele wolamba ile wetango, osheshi Omwene Kalunga ote va minikile; ndele otava ka pangela ngaashi eehamba alushe fiyo alushe.

2 PETRUS 3:18

Kaleni nokukula mefilonghenda nomokushiiva Omwene Omukulili wetu Jesus Kristus. Efimano olaye nonena nofiyo okefiku loukwaalushe. Amen.

EHOLOLO 21:23

Noshilando eshi inashi pumbwa etango ile ohani oku shi minikila, osheshi oshinge shaKalunga otashi shi minikile, onyika yasho oyo Odjona.

HOSEA 6:3

Ndele natu shiiveni hano, heeno, natu lalakaneni okushiiva Omwene. Ye ote uya shili, ngaashi etendo leluwa, ndele ote ke uya kufye ngaashi odula, ngaashi odula yokulombo, ei tai tutike edu.”

JOB 23:10

Osheshi okweenda kwange kwa shiivika kuye. Ngeno Ye ta konakona nge ngeno handi monika nda yela ngaashi oshingoldo.

MATEUS 5:45

Opo mu ninge ovana vaXo yeni meulu, osheshi etango laye ote li pitifile ava vai naava vawa, nodula ote i lokifile ovayuki naava vehe fi ovayuki.

JOB 17:9

Ndelenee omuyuki ota diinine ondjila yaye, naau e nomake a yela, ota kulu meenghono.

OMAPSALOME 97:11

Ouyelele wa kuminwa komuyuki, nehafo okovanamadiladilo a yuka.

OMAYELETUMBULO 2:9

Osho nee to ka uda ko ouyuki neyukifo noshili, heeno, ondjila keshe youwa.

OMAYELETUMBULO 2:20

Opo u ende nondjila yaava vawa ndele to dulu okudiinina omalila ovayuki.

OMAYELETUMBULO 13:9

Ouyelele wovayuki tau minikile nokuhafifa, ndelenee olamba yovahenakalunga tai dimi.

OMAYELETUMBULO 15:24

Ondjila yomwenyo yomunaendunge tai twala pombada, onghee hano ta dulu okukukuma oshovafi shokoshi.

OVATOKOLIPANGELI 5:31

“Ovatondadi voye aveshe, Omwene, osho ve nokukombwa po! Ndelenee ava ve mu hole, ove li ngaashi etango tali piti meenghono dalo.” Noshilongo sha tulumukwa omido omilongo nhee.