OMAYELETUMBULO 30:5 - Ombibeli Iyapuki

⁵ “Ondjovo keshe yaKalunga oya yelekwa. Ye oshikelelifo shaava hava ame kuye.

OMAYELETUMBULO 30:5 Referans Kwoze

OMAPSALOME 18:30

Ondjila yaKalunga oya wanenena; ondjovo yaKalunga oya yelifwa; Oye oshikelelifo shaaveshe ava have liameke kuye.

JAKOB 3:17

Ndelenee ounongo ou hau di kombada, tete owa yela nopo nee u nombili nou nolukeno nowiitaveleli nou yadi onghenda noiimati iwa; kau nomalimbililo ile oihelele.

OMAPSALOME 84:11

Osheshi Kalunga Omwene, Oye etango noshikelelifo; Omwene oha yandje ouwanghenda nefimano; ava tava ende moshili, ite va kelele nande osha shiwa.

OMAPSALOME 12:6

Eendjovo dOmwene odo eendjovo da yela, da fa oshisiliveli tashi kungulukile poshi shi yela tashi vilima, sha yelifwa luheyali.

OMAPSALOME 3:3

Ndelenee Omwene, Oove oshikelelifo shange netumbalo lange, Ove noto yelula omutwe wange.

OMAPSALOME 119:140

Ondjovo yoye oya yela, nomupiya woye e i hole.

OMAPSALOME 91:2

ye ota ti kOmwene: “Eameno lange, nohotengulu yange, Kalunga kange, ou handi mu lineekele.”

GENESIS 15:1

Konima yoinima ei ondjovo yOmwene ye uya kuAbram memoniko ndele tai ti: “Ino tila Abram, Aame oshikelelifo shoye, nondjabi yoye oinene unene.”

OVAROMA 7:12

Onghee tuu, omhango oyo iyapuki, noshipango osho oshiyapuki noshiyuki noshiwa.

OMAPSALOME 144:2

Ou ta pe nge onghenda, nohotemanya yange, nengholo lange, nomuxupifi wange, noshikelelifo shange, kwaau oko nde lineekela, ndele ta pangelifa nge oshiwana shange.

OMAPSALOME 19:8

Omalombwelo Omwene okwa yuka, taa hafifa omutima; omhango yOmwene oi yela sheke, tai minikile omesho.

2 SAMUEL 22:31

Oilonga yaKalunga ya wanenena! Eendjovo daye oda yela. Ye oshikelelifo shaaveshe ava hava kongo eameno muye.

OMAPSALOME 18:2

Omwene Oye emanya lange la pama, nohotengulu yange, nomuxupifi wange. Kalunga kange Oye omhunda yange yehondamo oko handi tondokele, Oye oshikelelifo shange, noluvinga lexupifo lange, nohote ya kolelela.

OMAYELETUMBULO 2:7

ovanashili Ye ote va tuvikilile ekwafo, Oye oshikelelifo shaava hava ende vehe noshipo.

OMAPSALOME 18:31

Osheshi Kalunga kamwe okelipipo mbela ponho yOmwene ou, nemanya lexupifo olilipipo, lihe fi Kalunga ketu aeke?

OMAYELETUMBULO 29:25

Okutila omunhu taku tele omwiyo. Ndelenee ou te lineekele Omwene, ota ka amenwa.