OMAYELETUMBULO 30:2 - Ombibeli Iyapuki

² Heeno, ame ndihe neendunge, inandi wana ndi talwe aame omunhu, ndele ndihe neendunge domunhu.

OMAYELETUMBULO 30:2 Referans Kwoze

OMAPSALOME 73:22

ngeno ondi mulai shili, ndihe na nande eendunge, nda fa oshimuna shongaho koshipala shoye.

1 OVAKORINTO 3:18

Inapa kala nande umwe te lipukifa ye mwene. Ngeenge mokati keni omu na umwe e shi oye omunaendunge mounyuni ou, oye na ninge elai, opo a ninge omunaendunge.

JAKOB 1:5

Ndele ngeenge umwe womunye okwa hepa ounongo, ne u indile kuKalunga ou e hole okuyandjela aveshe nokuhe nokungongota, opo nee ote u pewa.

1 OVAKORINTO 8:2

Ngeenge umwe e shii a shiiva sha, ina shiiva natango ngaashi e nokushiiva;

OVAROMA 11:25

Osheshi ovamwatate, opo muha ye neendunge deni vene, onda hala ndi mu hololele oshiholekwa eshi: Elikukutiko ola hanga Israel kombinga, fiyo ouyadi wovapaani we uya mo.

JEREMIA 10:14

Omunhu keshe ehe neendunge, ke neshiivo, keshe omuhambwidi woshingoldo ta fifwa ohoni koshihambulwa shaye, osheshi oshifolomwafano shaye osho oipupulu yongaho, nokashi nomhepo musho vene.

JESAJA 6:5

Opo nee ame nda tya: “Woo aame! Onda kana, osheshi aame omunhu ndi nomilungu da nyata nonda kala mokati kovanhu ve nomilungu da nyata; osheshi omesho ange okwa mona Ohamba, Omwene womatanga ovakwaita.”

OMAYELETUMBULO 5:12

ndele tamu ka tya: “Ame nda tonda ngahelipi outekuduliko, nomutima wange wa dina ngahelipi okuhanyenwa!

OMAPSALOME 92:6

Omunhu ehe neendunge ite shi shiiva, nelai itali shi koneke.

OMAPSALOME 49:10

Ahowe, ote shi ulikilwa nokuli, nokutya novanongo otava fi yo; novashima novapwidi aveshe otava nyonauka po, nemona lavo, ove noku li fiila vakwao.

OMAYELETUMBULO 12:1

Ou e hole outekuduliko, ye e hole eshiivo. Ndelenee ou ha tondo okuhanyenwa, ye omushima.

OMAYELETUMBULO 30:1

Eendjovo daAgur yaJake; exunganeko: Omulumenhu ta popi ta ti: “Akutu Kalunga! Ame nde lilolokifa! Akutu Kalunga, ame nde lilolokifa ndele nda nyonauka po.