OMAYELETUMBULO 3:7 - Ombibeli Iyapuki

⁷ Ino kala omunongo momesho oye mwene. Tila Omwene, ndele kanduka mo mowii;

OMAYELETUMBULO 3:7 Referans Kwoze

JOB 28:28

Ndelenee okwa lombwela omunhu ndele ta ti: ‘Tala, okutila Kalunga okwo ounongo. Nokukukuma owii okwo eendunge.’ ”

OVAROMA 12:16

Kaleni mu nediladilo limwe, inamu lovelela ei oinenenima, kaleni mwa wana naai ixupi. Inamu litala onye ovanaendunge.

OMAYELETUMBULO 26:12

Wa mona ko tuu omulumenhu te litale ye omunongo momesho aye mwene? Okuteelela eendunge delai ku dule winya.

JOB 1:1

Moshilongo shaUs mwa li mu nomulumenhu edina laye Job. Nomulumenhu ou kwa li ehe noshipo nomuyuki ta tila Kalunga ndele ta kukuma owii.

OMAYELETUMBULO 16:6

Okunyona taku yavelelwa nohole noudiinini, nomokutila Omwene omunhu ta kukuma owii.

OMUUDIFI 12:13

Efina loinima aishe twe i uda oleli: Tila Kalunga u diinine oipango yaye. Osheshi omunhu keshe osho e nokuninga.

JESAJA 5:21

Woo ovo, ve shii ovo ovanaendunge nove litala ve nomayele,

OMAYELETUMBULO 14:27

Etilo lOmwene olo ofifiya yomwenyo okukandula po eemwiyo defyo.

OVAROMA 11:25

Osheshi ovamwatate, opo muha ye neendunge deni vene, onda hala ndi mu hololele oshiholekwa eshi: Elikukutiko ola hanga Israel kombinga, fiyo ouyadi wovapaani we uya mo.

NEHEMIA 5:15

Osheshi ovapangeli ovo va tetekela nge, ova djuupaleka unene oshiwana ndele va kufa kusho oikulya nomaviinyu avo nosho yo eesekeli omilongo nhee doshisiliveli. Ovapiya vavo yo ova hepeka oshiwana, ndelenee ame inandi shi ninga omolwetilo lokutila Kalunga.

EXODUS 20:20

Opo nee Moses okwa nyamukula ovanhu ta ti: “Kaleni inamu tila, osheshi Kalunga e uya oku mu yeleka, opo etilo laye li kale momesho eni, muha nyone.”

2 SAMUEL 12:20

Opo nee David a penduka pedu ndele e likosha nokulivaeka ndele ta djala oikutu imwe ndele ta i kongulu yOmwene ndele ta indile. Opo nee e uya meumbo laye ndele ta pula eendja ndele ta li.

OMAYELETUMBULO 8:13

Etilo lokutila Omwene olo okutonda osho shii. Ame ohandi tondo elinenepeko nelitumbo, okweenda kwii nokanya koipupulu.

OMAYELETUMBULO 14:16

Omunongo ha tila ndele ta yepa omunawii, ndelenee omushima ta duduluka e yadi elineekelo lokulineekela ye mwene.

OMAYELETUMBULO 23:4

Ino lipyakidikila u ninge oshipuna, efa okulongifa eendunge doye moshinima eshi.

OMAYELETUMBULO 26:5

Elai li nyamukula paulai walo, lo lihe litale linongo.

OMAYELETUMBULO 28:11

Omulumenhu oshipuna oye omunaendunge momesho aye mwene. Ndelenee ohepele e neendunge ote mu konakona.

OMAYELETUMBULO 28:26

Ou te lineekele omutima waye mwene, oye elai. Ndelenee ou ha ende neendunge ota xupifwa.