OMAYELETUMBULO 3:21 - Ombibeli Iyapuki

²¹ Omumwange, oinima ei iha dje mo momesho oye, diinina eshiivo neendunge,

OMAYELETUMBULO 3:21 Referans Kwoze

JOSUA 1:8

Embo lomhango ei iha dje mo mokanya koye, ndelenee i konakona omutenya noufiku, opo u shiive okuwanifa naanaa ashishe eshi sha shangelwa mo. Osheshi osho ove to ka kala u nelao meendjila doye ndele oto kala nouwa.

OMAYELETUMBULO 4:21

Ino di kandula po koshipala shoye, di diinina meni lomutima woye.

DEUTERONOMION 4:9

Kala wa lungama u lipashukile, uha dimbwe eshi we shi mona nomesho oye mwene, ndele shiha dje mo momutima woye mokukala kwoye akushe, ndelenee u shi shiivifile ovana voye novatekulu voye,

1 JOHANNES 2:27

Ndele evaeko eli mwe li pewa kuye, otali kala munye, ndele itamu pumbwa mu longwe nande kuumwe; ndelenee ngaashi evaeko laye hali mu longo aishe, nosho yo elongo olo loshili kali fi oipupulu nongaashi le mu longa, hano osho kaleni muye.

JOHANNES 8:31

Ndele Jesus okwa lombwela Ovajuda ava ve mu itavela ta ti: “Ngeenge tamu kala meendjovo dange, onye ovalongwa vange shili,

OMAYELETUMBULO 2:7

ovanashili Ye ote va tuvikilile ekwafo, Oye oshikelelifo shaava hava ende vehe noshipo.

1 JOHANNES 2:24

Eshi mwe shi uda kehovelo, nashi kale shi li munye. Eshi mwe shi uda pehovelo, ngeenge tashi kala munye, opo nee ohamu kala mOmona nomuXe.

OMAYELETUMBULO 1:4

nokweetela ovashima eshiivo nomunyasha okushiiva nokunongela.

OMAYELETUMBULO 5:2

opo u mone omayele a wana nomilungu doye opo di diinine eshiivo.

OMAYELETUMBULO 8:14

Ame ndi nepukululo nomayele. Aame eendunge. Eenghono odange!

OMAYELETUMBULO 18:1

Ou te li tongola, ota kongo omahalo aye mwene. Neenghono adishe ta kondjifa osho shi neendunge.

OMAYELETUMBULO 4:6

Ino u xutwifa, opo u ku amene. U hola, opo nee tau ku popile.

OMAYELETUMBULO 19:8

Ou ta hapupalifa eendunge, e hole okukalamwenyo kwaye. Ou ha diinine omayele, ota ka mona ouwa.