OMAYELETUMBULO 3:1 - Ombibeli Iyapuki

¹ Omumwange, ino dimbwa elongo lange, nomutima woye nau diinine oipango yange;

OMAYELETUMBULO 3:1 Referans Kwoze

OMAYELETUMBULO 4:5

Lihapupalifila ounongo, likongela omayele! Ino dimbwa ndele ino kanduka mo meendjila dokanya kange.

OMAPSALOME 119:16

Onda hokwa eenghedimhango doye, ame inandi hala okudimbwa ondjovo yoye.

OMAYELETUMBULO 1:8

Omumwange, pwilikina outekuduliko waxo, ndele ino ekelashi elongo lanyoko.

OMAPSALOME 119:93

Fiyo alushe inandi hala nande okudimbwa omalombwelo oye; osheshi owa tula nge nao omwenyo.

OMAPSALOME 119:34

Nongopalife nge, ndi shiive okuwanifa omhango yoye, ame ndi i lalakanene nomutima aushe.

JEREMIA 31:33

Ndelenee ehangano olo tuu olo nda hala oku li ninga ofye neumbo laIsrael pomafiku enya okomesho, Omwene ta ti, omhango yange ohandi i tula mo meenhulo davo, ndele handi i shangele momitima davo, osho ngaha ohandi ka kala Kalunga kavo, navo otava ka ninga ovanhu vange.

OMAPSALOME 119:11

Ondjovo yoye onde i tuvikila momutima wange, ndiha nyone kwoove.

DEUTERONOMION 8:1

“Oipango aishe ame ohandi ku lombwele nena, i diinineni shili, opo mu kale mu nomwenyo ndele mu hapupale, ndele mu shiive okuya mo medu olo noku li nangala, Omwene e li udanekela nokwaana kooxo.

OMAPSALOME 119:153

Tala oluhepo lange, Ove xupife nge. Osheshi omhango yoye inandi i dimbwa.

HOSEA 4:6

Oshiwana shange tashi ka kombwa po omolwoulai washo. Ove eshi wa ekelashi okushiiva, ohandi ke ku ekelashi, opo uha kale vali nokuyakula nge moshilonga shoupristeli. Osheshi ove wa dimbwa omhango yaKalunga koye, naame yo ohandi ka dimbwa ovamwoye.

DEUTERONOMION 4:9

Kala wa lungama u lipashukile, uha dimbwe eshi we shi mona nomesho oye mwene, ndele shiha dje mo momutima woye mokukala kwoye akushe, ndelenee u shi shiivifile ovana voye novatekulu voye,

OMAPSALOME 119:176

Ame onda puka, ngaashi odi ei ya kana, opo nee Ove konga omupiya woye, ame, osheshi oipango yoye itandi i dimbwa.

DEUTERONOMION 4:23

Lungameni, muha dimbwe ehangano lOmwene Kalunga keni, Ye e li ninga nanye ndele muhe lihongele oihongwafano ile efano limwe laashi Omwene Kalunga koye e ku shilika.

OMAYELETUMBULO 31:5

Osheshi mokunwa kwaye oikolwifa ta dimbwa eenghedimhango ndele ta pengifa ouyuki wovakwanaluhepo aveshe.

JESAJA 51:17

Penduka po, yambuka po; Jerusalem, fikama; oove tuu ou wa li wa pewa okunwa meke lOmwene eholo loupyuhandu laye, ndele wa nwa eholo lekolwifo nowe li mana filu.

EXODUS 20:6

Ndele Ame ohandi file onghenda omayovi, aava ve hole nge ndele tava diinine oipango yange.

OMAPSALOME 91:16

Ame ohandi mu palula noku mu kaleka nomwenyo mule, ndele ohandi mu monifa exupifo lange.

OMAPSALOME 119:61

Omalulo ovakolokoshi taa dingilile nge; nande ndi li ngaha, itandi dimbwa nande omhango yoye.

OMAYELETUMBULO 2:1

Omumwange, ove ngeenge ho tambula eendjovo dange noipango yange ho i tuvikile mwoove,

OMAYELETUMBULO 4:2

Osheshi ame ohandi mu pukulula nawa, inamu xutwifa elongo lange.

OMAYELETUMBULO 16:31

Eenghwakutoka odo oshishani shefimano. Otashi monika mondjila youyuki.

OMAYELETUMBULO 23:26

Omumwange, pe nge omutima woye, omesho oye naa hokwe eendjila dange.

DEUTERONOMION 5:16

“ ‘Fimaneka xo nanyoko, Omwene Kalunga koye ngaashi e ku lombwela, omafiku oye opo a ninge mahapu, ndele ove u kale nelao medu olo Omwene Kalunga koye ote ke li ku pa.

DEUTERONOMION 5:33

Endeni neendjila odo Omwene Kalunga keni e di mu lombwela, opo mu shiive okukala nomwenyo ndele mu kale yo nelao, opo mu shiive okuhapupalifa omafiku medu olo nye mu noku ke li nangala.

OMAYELETUMBULO 4:21

Ino di kandula po koshipala shoye, di diinina meni lomutima woye.

OMAYELETUMBULO 8:1

Ounongo itau ingida mbela, eendunge itadi yelula mbela ondaka yado?

OMAYELETUMBULO 9:1

Ounongo we lidikila eumbo, wa honga eengudi dao heyali;