OMAYELETUMBULO 24:16 - Ombibeli Iyapuki

¹⁶ Osheshi luheyali omuyuki ta punduka ndele ta penduka vali, ndelenee ovahenakalunga tava ka wila momupya.

OMAYELETUMBULO 24:16 Referans Kwoze

OMAPSALOME 34:19

Omaudjuu omuyuki oku li mahapu, ndelenee Omwene ote mu xupifa mwaaeshe.

OMAPSALOME 37:24

Ngeenge ta punduka, ita wililile po, osheshi Omwene ote mu yakele.

JOB 5:19

Momaudjuu ahamano Ye ote ku xupifa mo, heeno, momaudjuu aheyali, oshiponga nande shimwe itashi ku hange.

1 OVATESSALONIKI 5:3

Fimbo tava ti: “Ombili, kape na nande ombili,” opo nee ehanauno tali va vakele, ngaashi omufimba ta hangwa koshifeta, ndele kave na apa tava i onhapo.

OMAYELETUMBULO 14:32

Omuhenakalunga ta dengwa poshi kowii waye mwene, ndelenee omuyuki ta mono pefyo laye ehondameno.

OMAYELETUMBULO 13:17

Omutumwa omuhenakalunga ta i momupya, ndelenee omutumwa e shii kulineekelwa, oye ngaashi ondjolowele.

AMOS 5:2

Okakadona kaIsrael ka wila po, ko itaka ka penduka po vali. Ngaashi ou a natwa po osho tali nangala kedu lalo. Kape na ou te ka yambula po.

OMAPSALOME 52:5

Hano osho yo Kalunga ote ku hanauna po fiyo alushe, ote ku nakula mo note ku vakula mo moshitulwa shoye, ndele te ku duda mo moshilongo shovanamwenyo nomidi doye. Sela

1 SAMUEL 26:10

David ta ti vali: Oshili ngaashi Omwene e nomwenyo, Omwene te ke mu denga, ile efiku laye lefyo tali ke uya ile ta ka ya molwoodi ndele ta dipawa!

OMAPSALOME 7:16

Oiponga ei a duta, otai pinukile komutwe waye mwene, noixuna yaye otai mu alukile poluwewe laye mwene.

ESTER 7:10

Ndele va endjelelifa Haman komuti wokumangeleka mo, ou ye e u dikila Mordekai, nehandu lohamba la lota.

OILONGA YOVAYAPOSTOLI 12:23

Ndele opo tuu opo omweengeli wOmwene e mu denga, osheshi ye ina fimaneka Kalunga, omainyo e mu tuka ndele ye ta fi.

AMOS 8:14

vo ava hava anene etimba laSamaria, ndele ohava ti yo: ‘Oshili ngaashi kalunga koye e nomwenyo, Dan!’ Navali: ‘Oshili ngaashi eenghedi domuBerseba di nomwenyo!’ Ndele vo otava ka wila po noitava ka penduka vali.”

1 SAMUEL 31:4

Ndele Saul okwa lombwela omuhumbati woiti yaye: “Pweya mo eongamukonda loye u twe nge nalo, opo venya inava pita etanda vehe uye okutwa nge, ndele vaha sheke nge.” Ndele omuhumbati woiti yaye ina hala, osheshi a tila unene. Onghee hano Saul okwa kufa eongamukonda nokwe litwa nalo.

OMAPSALOME 34:21

Omulunde ota dipaifwa kowii, nomutondi womuyuki ote lilongele oushimatimba.

OMAPSALOME 79:12

Ovashiinda vetu, esheko lavo, eli ve ku sheka nalo Omwene, li va shunifila meenhulo davo luheyali.

OMAYELETUMBULO 6:15

Onghee hano ehanauno laye tali mu vakele, ta ka teywa po divadiva, ehe neveluko.

OMAYELETUMBULO 24:22

Osheshi divadiva omupya tau va hange, nexulilo lomido davo, olyelye e shi shii, onaini.

JEREMIA 8:4

Ndele ove va lombwela u tye: Omwene ota ti: Ou e lidenga poshi, ita penduka po ngeno? Naau a puka ondjila, ita pukuluka mbela?

JEREMIA 18:17

Ngaashi omhepo yokoushilo otai va halakanifa po moipafi yovatondadi vavo mefiku lenyonauko lavo, ohandi va talifa ekofi lange, hashipala shange.”

GENESIS 19:35

Oufiku ou vo ova pa vali xe omaviinyu a nwe, ndele ondenge oya penduka, ndele tai nangala naye. Ye ina shiiva kutya onaini e uya okunangala nonaini a penduka.

NUMERI 32:23

Ndelenee ngeenge itamu shi ningi, taleni, opo nee tamu nyono kOmwene, ndele kaleni mu shi shii, omanyonauno eni tae ke mu hanga.

OMAYELETUMBULO 13:21

Omupya tau shikula omulunde, ndelenee ovayuki tava mono elao ondjabi.

HESEKIEL 7:5

Omwene Kalunga ta ti ngaha: “Oshiponga! Oshiponga shimwe ashike! Tala tashi uya!