OMAYELETUMBULO 23:7 - Ombibeli Iyapuki

⁷ Osheshi ngaashi ta diladila momwenyo waye, osho e li. Osho te ku lombwele: “Lya, nwa,” ndelenee omutima waye kau li pamwe naave.

OMAYELETUMBULO 23:7 Referans Kwoze

OMAPSALOME 12:2

Otava popyafana oipupulu namukwao, nomokupopya omilungu davo odi nomufenhu, nomitima davo di li pavali.

OMAPSALOME 55:21

Eendjovo dokanya kaye oda fa di nomulyo, mboli momutima waye omu noita. Elaka laye oliwa, li nomufenhu ngaashi omaadi, ndelenee olo omikonda da pweywa mo.

OVATOKOLIPANGELI 16:15

Ove to dulu ngahelipi okutya: Ame ondi ku hole fimbo omutima woye uhe li mwaame? Lutatu nokuli wa kengelela nge ndele ino shiivifila nge kutya eenghono u di na oda dja peni?

OMAYELETUMBULO 19:22

Emona lomunhu la wapala li nondilo olo olune laye. Ohepele i dule omulumenhu omunaipupulu.

LUKAS 7:39

Ndele Omufarisai ou e mu ifana eshi e shi mona, okwe lipopila mwene meni laye, ta ti: “Ou ngeno omuxunganeki, ngeno a koneka omukainhu ou omushike nokwa tya ngahelipi, nokutya, ye omulunde.”

DANIEL 11:27

Ndele eehamba odo mbali otadi diladila komitima dado owii. Fimbo tava kala omutumba poshililo shimwe tava popi oipupulu. Ndelenee vo kave nelao, osheshi exulilo otali ka kala mefimbo la tokolwa. Ndelenee vo kave nelao, osheshi exulilo otali ka kala mefimbo la tokolwa.

OMAYELETUMBULO 26:24

Omutondadi te lidimbwifa nomilungu daye, ndelenee meni laye ta diladila omakengelelo.

OMAYELETUMBULO 26:25

Ondaka yaye ngeenge te i shitukifa ondaka yohole, ino mu lineekela, osheshi oixuna iheyali i li momutima waye.

OMAYELETUMBULO 26:23

Omilungu nomutima womunaipupulu ou li ngaashi oshikangwa sha xuwa oshisiliveli.