OMAYELETUMBULO 23:5 - Ombibeli Iyapuki

⁵ Omesho oye eshi a wile ko, oupuna uhe po, osheshi divadiva wa mona omavava ndele tau tuka ngaashi onhwa keulu.

OMAYELETUMBULO 23:5 Referans Kwoze

OMAYELETUMBULO 27:24

Osheshi emona itali kalelele, ile oshishani itashi kala fiyo okepupi nepupi.

1 JOHANNES 2:16

Osheshi keshe eshi shi li mounyuni, ngaashi okahalu kombelela nokahalu komesho noifulalala yokukalamwenyo, inai dja muTate, ndelenee oya dja mounyuni.

1 TIMOTEUS 6:17

Oipuna yomounyuni ou va kumaida, vehe linenepeke, navali vaha tule elineekelo lavo moupuna kau fi okulineekelwa, ndelenee nave lineekele Kalunga omunamwenyo, ou he tu pe pauyadi aishe yoku tu hafifa,

MATEUS 6:19

“Inamu liongelela omamona kombada yedu, oko eenhwishi noilemo hai nyonauna, naaku ovalunga hava fe, ndele tava vake.

OMUUDIFI 12:8

Aishe oyongaho, Omuudifi ta ti, aishe oyongahoelela.

GENESIS 42:36

Opo nee Jakob, xe yavo, okwe va lombwela ta ti: “Nye tamu nyeka nge ovana vange. Josef ke po! NaSimeon ke po! Ndele omwa hala vali okukufa nge Benjamin. Ashishe eshi tashi hange nge!”

JEREMIA 22:17

Ndelenee omesho oye nomutima woye itau kongo shimwe shi lili, eliko tuu loye mwene nokutilashi ohonde ihe netimba nokuhepeka nokunyeka.

OMUUDIFI 1:2

Aishe oyongaho, omuudifi osho a ti. Aishe oyongaho, oinima aishe oyongahoelela!

OMAPSALOME 39:6

Omunhu ota endaenda a fa ashike omudidimbe; te lipyakidile ashike; emona otali tuvikilwa, ndele ou te li kufa mo, ke shiivike.

JESAJA 55:2

Oshike tamu yandje oimaliwa apa pehe na eendja? Neliko loilonga yeni tamu li yandjele oinima ihai kutifa? Pwilikinei nge hano, nye mu lye ounyenye, neemwenyo deni nadi hepuluke pomaadi.

JOB 27:19

Ota ka nangala oshipuna, ndele ita ka kala oshipuna; nongeenge ta penduka, oupuna waye owa kana po.

JEREMIA 39:12

Mu kufa po, ove u mu kalele noshisho. Ove ino mu ningila nande owii washa, ndelenee ninga ngaashi ye mwene te ke ku lombwela.