OMAYELETUMBULO 22:4 - Ombibeli Iyapuki

⁴ Ondjabi yelininipiko noyokutila Omwene oyo oupuna nefimano nomwenyo.

OMAYELETUMBULO 22:4 Referans Kwoze

MATEUS 6:33

Ndelenee kongeni tete ouhamba waKalunga nouyuki waye, opo tamu wedelwa ko ei aishe.

JAKOB 4:10

Lininipikeni koshipala shOmwene, ndele Ye ote mu nenepeke.

OMAYELETUMBULO 21:21

Ou ta lalakanene ouyuki nolune, ota ka mona omwenyo, ouyuki nefimano.

JESAJA 57:15

Osheshi Omwene nOmufimanekwa ou ha kala moukwaalushe, nedina laye Omuyapuki, Ye ota ti: Ame ohandi kala pokule mokombadambada nomouyapuki nomwaava ve na omhepo ya nyanyaulwa noye lininipika, opo ndi hekeleke omhepo yovalininipiki nondi tululule omwenyo momutima waava va nyanyaulwa.

OMAYELETUMBULO 3:16

Meke lado lokolulyo omu noule womafiku, nomeke lado lokolumosho omu noupuna nefimano.

JAKOB 4:6

Ndelenee ye ota yandje efilonghenda linene unene. Onghee tapa tiwa: “Kalunga oku tonde ovalinenepeki, ndelenee ovalininipiki te va file onghenda.”

JESAJA 33:6

Ndele omayele neshiivo otali ka kala okupama kwomefimbo loye neenghono dexupifo; nokutila Kalunga okwo emona laSion.

1 TIMOTEUS 4:8

Osheshi edeulo lokolutu oli nekwafo lixupi, ndelenee etilokalunga otali kwafa moinima aishe, osheshi olo li neudaneko lomwenyo wopaife nowokomesho.

OMAYELETUMBULO 21:20

Emona li nondilo nomaadi e li meumbo lomuyuki, ndelenee omunhu omushima te a mane po.

OMAYELETUMBULO 22:3

Omunaendunge ota tale oshiponga ndele ta hondama, ndelenee ovashima tava ehene ko ndele tava hangika koshiponga.

OMAYELETUMBULO 22:5

Omakiya neemwiyo di li mondjila yomunaipupulu, ou ta kala kokule nayo, ota amene omwenyo waye.

OMAYELETUMBULO 29:23

Elinenepeko lomunhu tali mu xutula, ndelenee ou e nomhepo i nelininipiko, ota ka fimanekwa.

OMAYELETUMBULO 31:30

Onhemokainhu kai shii kulineekelwa. Ouwa womukainhu tau xulu po. Omwalikadi ou ha tila Omwene na hambelelwe.

DANIEL 4:36

Mefimbo tuu linya onda alulilwa eendunge neenghonopangelo dange nefimano lange ola alulilwa nge okefimano loshilongo shange. Nomalenga ange novakulunhu ova ila nge ndele ame nda nangekululwa moshilongo shange. Neenghonopangelo dange oda hapupala unene neenghono.

OMAYELETUMBULO 19:23

Okutila Omwene taku eta omwenyo: omunhu ta dulu okutulumukwa nawa oufiku, ndele ita hangika nande koshiponga.