OMAYELETUMBULO 20:9 - Ombibeli Iyapuki

⁹ Olyelye ta dulu okutya: “Omutima wange nde u kosha, ame nda koshwa, ndihe nomatimba?”

OMAYELETUMBULO 20:9 Referans Kwoze

OMUUDIFI 7:20

Osheshi kombada yedu kape na nande omunhu omuyuki, ou ha ningi ngeno ouwa auke, ndele ita nyono.

1 EEHAMBA 8:46

“Vo eshi tava nyono kwoove, osheshi kape nomunhu ou ita nyono, ndele to va handukile ndele to va yandje kovatondadi vavo nde tave va twala eenghwate koshilongo nande oshokokule ile oshopopepi,

JOB 14:4

Mwaau a nyata, otamu di tuu ou a yela? Nande umwe.

JAKOB 3:2

osheshi fye atushe ohatu puka luhapu. Ngeenge ope na ou iha puka meendjovo, oye omulumenhu a wanenena, ta dulu yo okupangela olutu laye alishe.

1 OVAKORINTO 4:4

osheshi meliudo lange kamu na sha, ndele hasho tashi pe nge ouyuki, osheshi omutokoli wange oye Omwene.

JOB 25:4

Omunhu ta dulu ngahelipi okukala omuyuki koshipala shaKalunga? Naau a dalwa komukainhu ota dulu ngahelipi okukala a yela?

JOB 15:14

Omunhu ta dulu okukala ngahelipi a yela, ou a dalwa komukainhu ota dulu ngahelipi okukala omuyuki?

OMAPSALOME 51:5

Tala, ame onda dalwa moulunde, nameme okwa dala nge moulunde.

2 OMAFIMBO 6:36

“Vo eshi tava nyono kwoove, osheshi kape nomunhu ou ita nyono, ndele to va handukile ndele to va yandje kovatondadi vavo nde tave va twala eenghwate koshilongo nande oshokokule,

OVAROMA 3:9

Ongahelipi hano? Otu li po tuu tu va dule? Ahowe, nande okanini. Osheshi opo otwa tomha aveshe, nokutya, aveshe Ovajuda nOvagreka, ove li koshi youlunde,