OMAYELETUMBULO 2:5 - Ombibeli Iyapuki

⁵ opo nee to ka uda ko etilo lokutila Omwene nokumona eshiivo lokushiiva Kalunga.

OMAYELETUMBULO 2:5 Referans Kwoze

OMAYELETUMBULO 1:7

Okutila Omwene oko efina leshiivo. Omalai taa dini ounongo noutekuduliko.

JEREMIA 24:7

Ndele ohandi va pe omutima wokushiiva nge nokutya, Aame Omwene, ndele vo otava ka ninga oshiwana shange, naame ohandi ka kala Kalunga kavo, osheshi vo otava ka alukila kwaame nomutima wavo aushe.

1 JOHANNES 5:20

Ndele otu shi shii yo, Omona waKalunga okwe uya mo nokwe tu pa ondunge okushiiva Omunashili; omo tu li mOmunashili, mOmona waye Jesus Kristus. Oye Kalunga omunashili nomwenyo waalushe.

LUKAS 10:22

Aishe onde i pewa kuTate ndele kaku na ou ta shiiva Omona, Tate Oye tuu aeke, ndele kaku na ou ta shiiva Tate, Omona Oye tuu aeke, naau Omona a hala oku mu hololela.”

JEREMIA 9:24

ndelenee ou te litangele, ne litangele ondunge yokushiiva nge kutya, Aame Omwene, handi wanifa onghenda nouyuki nouwa kombada yedu, osheshi oinima ei onde i hokwa, Omwene ta ti.

MATEUS 11:27

Oinima aishe Ame nde i pewa kuTate, ndele kaku na ou ta shiiva Omona, Tate Oye tuu aeke, ndele kaku na ou ta shiiva Tate, Omona Oye tuu aeke, naau Omona a hala oku mu hololela.

HOSEA 6:3

Ndele natu shiiveni hano, heeno, natu lalakaneni okushiiva Omwene. Ye ote uya shili, ngaashi etendo leluwa, ndele ote ke uya kufye ngaashi odula, ngaashi odula yokulombo, ei tai tutike edu.”

JEREMIA 31:34

Ndele vo itava ka kala nokulongafana omukwao nomukwao, omumwaxe nomumwaxe nokutya: ‘Shiiva Omwene,’ osheshi vo aveshe ngaashi ve li, ovanyasha novakulunhu, otava ka shiiva nge, Omwene ta ti. Osheshi Ame ohandi ka dima po omanyonauno avo, ndele itandi dimbulukwa vali omatimba avo.”

OMAYELETUMBULO 9:10

Efina lounongo olo okutila Omwene. Okushiiva Omuyapuki okwo eendunge.

JOB 28:28

Ndelenee okwa lombwela omunhu ndele ta ti: ‘Tala, okutila Kalunga okwo ounongo. Nokukukuma owii okwo eendunge.’ ”

JOHANNES 17:3

Nomwenyo waalushe oo tuu ou, vo ve ku shiive, Oove auke Kalunga kashili, naau we mu tuma, Jesus Kristus.

OMAYELETUMBULO 8:17

Ame ndi hole ava ve hole nge, naava hava kongo nge tava ka mona nge.

OMAYELETUMBULO 28:7

Ou ta diinine omhango, ye omumati omunaendunge. Ndelenee ou ha kala movahanauni, ota fifa xe ohoni.

JESAJA 33:6

Ndele omayele neshiivo otali ka kala okupama kwomefimbo loye neenghono dexupifo; nokutila Kalunga okwo emona laSion.