OMAYELETUMBULO 19:7 - Ombibeli Iyapuki

⁷ Ovamwaina aveshe ovalumenhu vohepele tave i tondo; unene ookaume vayo tava kala kokule nayo. Yo otai va shikula neendjovo, vo vehe po!

OMAYELETUMBULO 19:7 Referans Kwoze

OMAYELETUMBULO 19:4

Emona tali eta ookaume vahapu, ndelenee ohepele tai kanifa ookaume kaye.

OMAYELETUMBULO 21:13

Ou ta fitikile onghuwo yohepele okutwi kwaye, oye mwene yo ota ka kuwa onghuwo, ndele ita ka mona epopilo.

OMAYELETUMBULO 18:23

Omukwanaluhepo ta popi mokulininipika, ndelenee oshipuna tashi nyamukula eendjovo dikukutu.

OMAPSALOME 38:11

Ookaume kange novashiivikile ova tekukifwa komupya wange, novambuletwelela otava kala nge kokule.

JAKOB 2:6

Ndelenee nye omwa dina ohepele. Ava have mu hepifa ndele tave mu twala kovatokoli, haipuna hamba?

OMAYELETUMBULO 14:20

Omukwanaluhepo ota tondwa komushiinda shaye nokuli, ndelenee ookaume voshipuna ovahapu.

OMAPSALOME 88:18

Ookaume kange novashiivikile we ve liteekifa nge; omulaulu auke wa kalela nge.

OMAPSALOME 88:8

Ookaume kange aveshe we va amukifa kwaame, wa dinifa nge kuvo, onda patekena, noitandi dulu okudja mo.

OMAYELETUMBULO 10:15

Emona loshipuna olo oshilando shaye sha pama, ndelenee oluhepo lomukwanaluhepo olo ehanauko laye.

OMAPSALOME 38:12

Ava tava nangele omwenyo wange, otava tele omiyo, naava va hala okuyehameka nge, otava lombola oixuna, ndele tava dutu ekonda efiku alishe.

OMAYELETUMBULO 27:10

Ino liteeka kaume koye nakaume kaxo, ndele ino ya mo meumbo lomumwanyoko mefiku lomupya woye. Omushiinda wopopepi omuwa e dule omumwanyoko e li kokule.