OMAYELETUMBULO 19:3 - Ombibeli Iyapuki

³ Oulai womunhu tau nyono po ondjila yaye, ndelenee omutima waye tau handukile Omwene.

OMAYELETUMBULO 19:3 Referans Kwoze

OMAPSALOME 37:7

Omwenyo woye u lotifila mOmwene, u mu teelele; ino mbilingwa molwaau, ondjila yaye i nomholo, nomolwomulumenhu ta wanifa oumbudi waye.

OMAYELETUMBULO 11:3

Ovayuki tava endifwa kouhenashipo wavo, ndelenee ovaliteeki tava hanaunwa po koipupulu yavo.

OMAPSALOME 37:1

Ino handuka nande molwovanawii, novanyonauni ino va ningila ondubo.

2 EEHAMBA 6:33

Fimbo ye ta popi naavo, ohamba ye uya kuye, ndele ta ti: “Tala, omupya ou tau di kOmwene. Omolwashike ndi teelele vali Omwene?”

1 SAMUEL 15:23

Osheshi okuhadulika okwo etimba ngaashi enyanekelo, nokwaanya oko owii nokufimaneka oikalunga. Ove eshi wa ekelashi ondjovo yOmwene, naye e ku ekelashi yo, uha kale vali ohamba.”

1 SAMUEL 13:13

Opo nee Samuel ta ti kuSaul: “Owa ninga nai. Ino diinina oshipango shOmwene Kalunga koye, osho Ye e shi ku lombwela. Osheshi ngeno hasho, ngeno Kalunga a pameka ouhamba woye muIsrael fiyo alushe.

JESAJA 32:6

Osheshi elai otali popi oulai, nomutima walo otau diladila omahanauno, nosho ngaha hali longo oukolokoshi, tali popi Omwene nokuhongaula, tali pupula omwenyo womufindjala, ndele tali nyeka omufinota omeva.

JOB 15:13

nehandu loye to li yukifile Kalunga ndele to pitifa mo mokanya koye eendjovo da tya ngaha?

OMAIMBILOKEMO 3:39

Oshike omunhu ta keme mokukala kwaye. Keshe umwe na keme molwoulunde waye.

HESEKIEL 18:25

Nye natango tuu tamu ti: ‘Ondjila yOmwene inai yuka.’ Pwilikina hano, akutu, eumbo laIsrael! Ondjila yeni hayo tuu inai yuka?