OMAYELETUMBULO 18:5 - Ombibeli Iyapuki

⁵ Okukala nokatongotongo nomuhenakalunga nokupengifa eendjovo daau ehe nombedi, itaku wapala.

OMAYELETUMBULO 18:5 Referans Kwoze

LEVITIKUS 19:15

“Moihokolola ino popya eshi inashi yuka. Ino kala u nokatongotongo pokati kohepele nomufimanekwa. U nokutokola omukweni pauyuki.

OMAYELETUMBULO 28:21

Okukala nokatongotongo keshiwa, osheshi omolwokapambu komungome nokuli omunhu ta nyono.

DEUTERONOMION 16:19

Ouyuki ino u endameka. Ino tala oshipala shomunhu. Ino tambula ombubo, osheshi ombubo otai twikifa omesho ovanongo ndele tai endameke eendjovo dovanhu vehe noushima.

OMAPSALOME 82:2

“Fiyo onaini mwa hala okutokola etokolo inali yuka, ndele tamu pe ovadinikalunga ounongo? Sela

OMAYELETUMBULO 24:23

Edi yo eendjovo dovalumenhu ovanongo: Inashi yuka okukala nokatongotongo moihokolola.

OMAYELETUMBULO 17:15

Ou ta yukipalifa omuhenakalunga ndele ta vele omuyuki ombedi, vo aveshe oixuna koshipala shOmwene.

MATEUS 22:16

Ndele ova tuma kuye ovalongwa vavo pamwe nOvakwaherodes oku mu lombwela: “Omuhongi, otu shi shii, Oove omunashili, nondjila yaKalunga oto i longo shili, ndele ku na nande nomunhu, osheshi Ove iho tale olupe lomunhu.

JESAJA 5:23

ovo hava tokolele omushima ouyuki molwombubo, ndele tava pe omuyuki oushima.

JOB 34:19

Oye iha popile ovakulunhu voshilongo ndele ita tula omukengeli komesho yomukwanaluhepo, osheshi vo aveshe oshilonga shomake aye.

MIKA 7:3

Ohava longo owii nomake avali u wanifwe noupenda? Omupangeli ta fininike, nomutokoli ta tokolele oimaliwa, nomunaenghono ta popi olwisho lomomwenyo waye. Oinima ya tya ngaha tave i liningile.

JESAJA 59:14

Eyukifo liyuki otali kandulwa po, nouyuki owa kala ofika kokule, osheshi oshili yovene oya pundukila momapandavanda naashi sha yuka itashi dulu okuuya mo.

EXODUS 23:2

“Ino shikula ouhapu weemhunga u longe owii. Paihokolola ino liameka kouhapu weemhunga u hokolole okupengifa ouyuki.

EXODUS 23:6

“Ino pengifa eendjovo domukwanaluhepo e li mokati keni, ngeenge e neendjovo deemhata.

OMAYELETUMBULO 17:26

Owii nokuli ngeenge ou ehe nombedi, ta futifwa. Okudenga ovanamadina itaku wapala.

OMAYELETUMBULO 31:5

Osheshi mokunwa kwaye oikolwifa ta dimbwa eenghedimhango ndele ta pengifa ouyuki wovakwanaluhepo aveshe.

MIKA 3:9

Shi udeni tuu, nye ovakulunhu vomeumbo laJakob nomalenga omeumbo laIsrael! Onye ava tamu dini ouyuki, ndele tamu endameke ashishe eshi sha yuka.

EXODUS 23:3

Ino kala nokatongotongo u liameke komufyoona ngeenge e neendjovo deemhata.