OMAYELETUMBULO 18:12 - Ombibeli Iyapuki

¹² Omutima womulumenhu tau linenepeke komesho yehanauno laye. Ndelenee elininipiko tali tetekele efimano.

OMAYELETUMBULO 18:12 Referans Kwoze

OMAYELETUMBULO 15:33

Okutila Omwene okwo outekuduliko tau eta ounongo; nelininipiko tali tetekele efimano.

1 PETRUS 5:5

Osho ngaha nye, ovanyasha, dulikeni kovakulunhu, naamushe mokukalafana kweni djaleni elininipiko, osheshi: “Kalunga oha tondo ovalinenepeki, ndele ovalininipiki te va file onghenda.”

OMAYELETUMBULO 11:2

Apa tape uya ounhwa, otape uya yo okufifa ohoni, ndelenee ounongo tau kala pwaava ve lininipika.

HESEKIEL 28:2

“Kaana komunhu, lombwela omupangeli waTirus u tye: Omwene Kalunga ota ti ngaha: Omutima woye eshi we linenepeka ndele wa tile: Aame kalunga, ame ohandi kala omutumba kolukalwa lookalunga mokati kefuta; nande ove omunhu, ku fi kalunga, ndele omutima woye we u ninga ngaashi omutima wakalunga.

OMAYELETUMBULO 29:23

Elinenepeko lomunhu tali mu xutula, ndelenee ou e nomhepo i nelininipiko, ota ka fimanekwa.

OMAYELETUMBULO 16:18

Ounhwa tau tetekele ehanauno, nelinenepeko tali tetekele epunduko.

LUKAS 14:11

Osheshi keshe ou te linenepeke ota ninipikwa, naau te lininipike ota ka nenepekwa.”

HESEKIEL 28:9

Ove oto ka tya tuu moipafi yaau te ku dipaa, nokutya: “Aame kalunga,” nande ove omunhu, momake aava tave ku tu, ove ku fi kalunga?

DANIEL 9:23

Pehovelo lokwiindila kwoye, okwa dja ondjovo ndele ame onde uya ndi i holole, osheshi oove muwa unene. Didilika hano ondjovo ei, ove u shiive emoniko olo.

DANIEL 9:20

Fimbo ame handi popi natango ndele handi ilikana nohandi hepaulula omatimba ange nomatimba oshiwana shange, Israel, ndele handi eta koshipala shOmwene Kalunga kange omaindilo ange, handi indilile omhunda iyapuki yaKalunga kange,

HESEKIEL 29:9

Ndele oshilongo shaEgipiti tashi ka ninga ofuka nonduba yomakulukuma, ndele vo otava ka shiiva nokutya, Aame Omwene. Ove shaashi to ti: Nil owange, ame nde u ninga,

1 EEHAMBA 3:7

Hano paife, Omwene Kalunga kange, owa ninga omupiya woye ohamba ponhele yatate David. Ndelenee aame omunyasha, inandi shiiva okupita mo ile okuuya mo.