OMAYELETUMBULO 16:9 - Ombibeli Iyapuki

⁹ Omutima womunhu tau diladila ondjila yaye, ndelenee Omwene ta endifa eenghatu daye.

OMAYELETUMBULO 16:9 Referans Kwoze

OMAYELETUMBULO 19:21

Eemhangela dihapu di li momutima womulumenhu, ndelenee epukululo lOmwene tali ka kala po.

OMAPSALOME 37:23

Omanha omulumenhu muwa taa yukifwa kOmwene, ndele ta hafele mondjila yaye.

OMAYELETUMBULO 16:1

Eemhangela domutima odomunhu, ndelenee enyamukulo lelaka tali di kOmwene.

OMAYELETUMBULO 20:24

Eenghatu domulumenhu tadi endifwa kOmwene; omunhu ta dulu ngahelipi okuuda eendjila daye?

JEREMIA 10:23

Akutu, Omwene, ondi shi shii nokutya, ondjila yomunhu ihai kala mepangelo laye mwene, ile mepangelo lomulumenhu, nhumbi ta ende, nhumbi ta yukifa eenghatu daye.

OMAYELETUMBULO 21:30

Kape nounongo ile eendunge ile epukululo lasha, tali kwafa mokukondjifa Omwene.

JESAJA 46:10

Ame ou nda holola kehovelo inya tai ke uya, oikulu ei yonale fimbo inai ningwa; Ame ou handi ti: Omhangela yange otai ka kala po, nakeshe eshi nda hala ohandi shi wanifa.

OMAYELETUMBULO 16:8

Oshipewa shinini pamwe nouyuki shi dule ouhapu womaliko pamwe noipupulu.

1 SAMUEL 9:16

“Mefimbo tuu eli mongula Ame ohandi ke ku tumina omulumenhu umwe womoshilongo shaBenjamin, ou u noku mu vaeka a ninge ohamba yovanhu vange Ovaisraeli. Ndele ye ota ka xupifa ovanhu vange momake Ovafilisti. Osheshi Ame nda dimbulukwa ovanhu vange, shaashi onghuwo yavo ya fika kwaame.”

2 OMAFIMBO 22:7

Ndelenee enyonauko laAhasia la dja kuKalunga, onghee hano okwa li e nokuuya kuJoram. Eshi a fika ko, okwa ya pamwe naJoram okushakeneka Jehu yaNimsi, ou a vaekwa kOmwene, a hanaune po epata laAhab.

OMAYELETUMBULO 21:1

Omutima wohamba u li meke lOmwene ngaashi omakungulukilo omeva. Ye ote u endifa keshe apa a hala.