OMAYELETUMBULO 16:16 - Ombibeli Iyapuki

¹⁶ Okulilikolela ounongo ku dule unene oshingoldo nokulikongela eendunge ku dule oshisiliveli.

OMAYELETUMBULO 16:16 Referans Kwoze

MATEUS 16:26

Osheshi otashi kwafa shike omunhu, nande ne lilikolele ounyuni aushe, ndele ta kanifa omwenyo waye? Ile omunhu ota yandjele shike ekulilo lomwenyo waye?

OMAYELETUMBULO 8:19

Oiimati yange i dule oshingoldo, heeno oshingoldoelela, neliko lange li dule oshisiliveli sha hoololwa.

OMUUDIFI 7:12

Osheshi epopilo lounongo olo ngaashi epopilo loimaliwa. Ndelenee ekwafo lokushiiva, olo ounongo tau kwatelele omwenyo mwaau e u na.

OMAYELETUMBULO 4:7

“Efina lounongo oleli: Likongela ounongo, ndele likongela omayele noinima aishe u i kwete.

LUKAS 12:21

Hano osho, ou te lilikolele emona, ye ke na oupuna puKalunga.”

OMAPSALOME 119:127

Onghee oipango yoye ondi i hole komesho yoingoldo noingoldoelela.

OMAYELETUMBULO 3:14

Osheshi oku di konga oku dule oshisiliveli, noku di mona oku dule oshingoldo;

OMAYELETUMBULO 4:5

Lihapupalifila ounongo, likongela omayele! Ino dimbwa ndele ino kanduka mo meendjila dokanya kange.

OMAYELETUMBULO 2:4

ngeenge to di kongo ngaashi oshisiliveli ndele to di shitilile ngaashi omamona a holekwa,

OMAYELETUMBULO 3:13

Omunelao omulumenhu ou a mona ounongo, nomulumenhu ou te likongele eendunge.