OMAYELETUMBULO 15:8 - Ombibeli Iyapuki

⁸ Eyambo lomuhenakalunga olo oixuna koshipala shOmwene, ndelenee eindilo lomuyuki Ye te li hokwa.

OMAYELETUMBULO 15:8 Referans Kwoze

OMAYELETUMBULO 15:29

Omwene e li kokule novahenakalunga, ndelenee ta udu eindilo lovayuki.

OMAYELETUMBULO 21:27

Eyambo lomuhenakalunga olo oixuna. Unene ngahelipi ngeenge tali etwa molwoshilonga oshififahoni!

1 OMAFIMBO 29:17

Kalunga kange, ame ndi shi shii, Ove ho panapana omutima, ndele wa hokwa ouyuki. Nomwenyo wa yuka nda yandja oinima aishe ei nehalo liwa. Ndele paife nda tala nehafo nhumbi ovanhu voye, ava ve li po, va yandja kwoove nehalo liwa.

JEREMIA 6:20

Hano etwimino loimbodi tali di kuSheba, otali kwafa nge shike, nolumbungu lakalmus tali di koilongo yokokule? Omaxwikiloyambo eni inandi a hokwa nomatomenoyambo eni inaa wapalela nge.

OMAYELETUMBULO 28:9

Ou ta fitike okutwi kwaye aha ude omhango, neilikano laye nokuli oixuna.

JESAJA 61:8

Osheshi Ame Omwene ndi hole ouyuki, handi tondo oukolokoshi nomanyeko; Ame ohandi va pe ondjabi yavo noudiinini, ndele ohandi ningi ehangano laalushe navo.

JOHANNES 4:24

Kalunga Oye Omhepo, naava tave mu ilikanene ovo ve nokwiilikana momhepo nomoshili.”

OMUUDIFI 5:1

Ino endelelifa okanya koye, nomutima woye ino u endelelifa okupopya ondjovo koshipala shaKalunga. Osheshi Kalunga oku li meulu, ove ou li kombada yedu. Onghee hano eendjovo doye nadi kale dinini.

JESAJA 66:3

Ou ta tomo ongobe, oye a fa ou ta dipaa omulumenhu, ou ta yambe odi ngaashi ou ta teya yo ombwa ofingo; ou ta yambe eendjayambo ngaashi ou ta yambe ohonde yoshingulu, ou ta yambe etwimino ngaashi edimbulukifoyambo, oye e li ngaashi ou ta fimaneke oshikalunga. Ngaashi ovo ve lihoololela eendjila davo vene neemwenyo davo oda hokwa oixuna yavo,

EIMBILOELELA 2:14

“Onghuti yange, wa hondama mekololo lemanya, mehondameno lopeemhunda, tali fiile nge oshipala shoye, udifile nge ondaka yoye. Osheshi ondaka yoye inyenye nomesho oye a wapala.

OMAPSALOME 17:1

Omwene, uda ondjovo ya yuka! Pwilikina okweehela kwange, Ove u tambule eindilo lange, inali dja komilungu di noipupulu!

LEVITIKUS 7:18

Ndele ngeenge ombelela yepanduloyambo laye tai liwa efiku etitatu, inashi wapala noitashi wapalele omweeti wayo. Oyo ya nyata; nakeshe ou ta li kuyo e nokuhumbata ombedi yaye.

OMAYELETUMBULO 10:24

Osho omuhenakalunga te shi tila, otashi mu hange. Ndelenee osho ovayuki ve shi hala, tave shi pewa kuYe.

OMAYELETUMBULO 15:7

Omilungu dovanongo tadi kunu eshiivo, ndelenee omutima womushima inau yuka.

OMAYELETUMBULO 21:3

Okulonga ouyuki noshili otaku wapalele Omwene, komesho yomayambo.

MIKA 6:7

Omwene ota ka hokwa mbela eedi omayovi nomilonga domaadi omayovi omilongo? Ndi yandje ngeno oshiveli shange omolwomatauluko ange, oshiimati sholutu lange ndi shi yandjele omatimba omwenyo wange?

HAGGAI 2:14

Opo nee Haggai okwa nyamukula, ndele ta ti: “Hano osho ngaha ovanhu ava ve li, noshiwana eshi osho shi li yo momesho ange, Omwene ta ti. Nosho ngaha oilonga yomake avo aishe i li, nosho yo eshi tave shi yambe: osho oshidila.

2 SAMUEL 15:12

Ndele fimbo Absalom a yamba etomenoyambo okwa ifana yo Ahitofel, Omugiloni, elenga laDavid, li dje moshilando shalo Gilo. Osho ngaha hano ehangakeno la pamekwa novanhu ava va ama kuAbsalom va hapupala.

1 EEHAMBA 3:10

Ndele osho sha wapalela Omwene, Salomo eshi a indila ngaha.

OMAPSALOME 141:2

Eindilo lange nali talwe kwoove, olo etwimino, neyelulo lomaoko ange, olo eyambo longuloshi.

DANIEL 9:23

Pehovelo lokwiindila kwoye, okwa dja ondjovo ndele ame onde uya ndi i holole, osheshi oove muwa unene. Didilika hano ondjovo ei, ove u shiive emoniko olo.

MIKA 6:6

Ame ndi holoke nashike koshipala shOmwene, ndi linyongamene koshipala shaKalunga wOkombadambada? Ndi mu shakeneke ndi kwete omaxwikiloyambo, eemhunya domudo umwe?

MALAKIA 1:10

Ngeno mokati keni mu kale umwe ou ta idile oivelo, muha shiive okutema omundilo oshimha koaltari yange! Ame inandi mu hokwa nande, Omwene womatanga ovakwaita ta ti, ndele itandi tambula eyambo tali di momake eni.