OMAYELETUMBULO 15:7 - Ombibeli Iyapuki

⁷ Omilungu dovanongo tadi kunu eshiivo, ndelenee omutima womushima inau yuka.

OMAYELETUMBULO 15:7 Referans Kwoze

MATEUS 12:34

“Oludalo nye lomayoka, otamu shiiva ngahelipi okupopya ouwa, onye vene eshi mu li po muvai? Osheshi eshi shi yadi momutima, osho tashi popifa okanya.

JAKOB 3:6

Nelaka olo yo omundilo, ounyuni woulunde; elaka moinhimbu yetu otali liholola olo tuu hali nyateke olutu alishe ndele tali xwameke olweendo lokukala kwetu, nalo vene ola xwamekwa koheli.

OVAEFESO 4:29

Momakanya eni muha pite nande ondjovo ya nyata, ndelenee odedi diwa dokutungafana, da wapala okupwilikina.

MARKUS 16:15

Ndele Ye okwa tya kuvo: “Indeni nounyuni aushe, nye mu ka udifile ovashitwa aveshe evaengeli.

MATEUS 10:27

Keshe tuu eshi handi shi mu lombwele momilaulu, shi hepaululeni pouyelele. Ndele eshi tamu shi udu okunongofwelwa momatwi, shi hepaululeni kombada yeenduda.

EIMBILOELELA 4:11

Omilungu doye, omuvalekwa wange, tadi ndodele omaadi eenyiki. Pelaka loye ope nomaadi eenyiki nomashini, nedimba loikutu yoye li li ngaashi edimba laLibanon.

OMAPSALOME 119:13

Omilungu dange ohandi di valifa eemhangela adishe dokanya koye.

OMAPSALOME 45:2

Ove, owa wapala u dule ovakwadu aveshe mouwa; ewapalonyenye ola tilwa komilungu doye; osho Kalunga e ku nangeka noupuna fiyo alushe.

OMAPSALOME 37:30

Okanya komuyuki otaka popi ounongo, nelaka laye ouyuki.

2 TIMOTEUS 2:2

ndele osho wa uda kwaame mokati keendobwedi dihapu, shi yandja kovalumenhu ve shi okulineekelwa, va wana oku shi longa vakwao yo.

OMAYELETUMBULO 15:2

Elaka lovanongo tali hepaulula eshiivo loshili, ndelenee okanya kovashima taka fuluka oulai.

OMAYELETUMBULO 15:6

Meumbo lomuyuki omu nemona linene, ndelenee oikongwa yomuhenakalunga tai hanaunwa po.

OMAYELETUMBULO 15:8

Eyambo lomuhenakalunga olo oixuna koshipala shOmwene, ndelenee eindilo lomuyuki Ye te li hokwa.

OMAYELETUMBULO 5:2

opo u mone omayele a wana nomilungu doye opo di diinine eshiivo.

OMAYELETUMBULO 16:23

Omutima womunongo tau mu nongopeke mokanya kaye ndele tau hapupalifa elongo lomilungu daye.

OMUUDIFI 10:2

Omutima womunaendunge u li kolulyo, ndelenee omutima welai okolumosho.