OMAYELETUMBULO 13:16 - Ombibeli Iyapuki

¹⁶ Omunamayele keshe ta longo neendunge, ndelenee elai tali tandavelifa oulai.

OMAYELETUMBULO 13:16 Referans Kwoze

OMAYELETUMBULO 15:2

Elaka lovanongo tali hepaulula eshiivo loshili, ndelenee okanya kovashima taka fuluka oulai.

OVAEFESO 5:17

Onghee hano inamu kala muhe neendunge, ndele shiiveni ehalo lOmwene olilipi.

JESAJA 52:13

Tala, omupiya wange ota ka kala e na elao, ota ka nenepekwa nokulengwa, ndele ta nenepala.

OMUUDIFI 10:3

Heeno, mokweenda kwalo nondjila elai kali neendunge. Tali hololele keshe umwe nokutya, lo elai.

OVAROMA 16:19

Osheshi okudulika kweni okwa shiivika kovanhu aveshe; osho nee nde mu hafela ndele nda hala mu kale ovanongo moinima iwa nomalai moinima ii.

1 OVAKORINTO 14:20

Ovamwatate, inamu kala ounona meendunge, kaleni ounona mowii; ndelenee kaleni ovalumenhu meendunge.

MATEUS 10:16

“Tala, Ame ohandi mu tumu ngaashi eedi mokati komambungu; kaleni hano mwa lungama ngaashi omayoka nongaashi eenghuti muhe na oshipo.

OMAYELETUMBULO 21:24

Omulinenepeki nomulunduki ota ifanwa omusheki, shaashi ha kala e nokudina kaku shii kuyelekwa.

OMAPSALOME 112:5

Ou ha file onghenda ndele ta yandje nokuhateelela sha, oye omukalinawa. Ta diinine oinima yaye pauyuki;

1 SAMUEL 25:25

Omwene wange ina yavala omulumenhu omukolokoshi Nabal. Osheshi ngaashi edina laye li li, osho ye e li. Edina laye tali ti elai, noulai u li muye. Ndelenee ame omupiya woye omukainhu, inandi mona ovamati venya, ove wa tumine.

1 SAMUEL 25:17

ndele paife ove mwene diladila u tale osho u noku shi ninga. Osheshi va pangelela omwene wetu neumbo laye alishe owii. Osheshi ye mwene omukolokoshi, onghee hano kape nomunhu ta dulu okupopya naye.”

OMAYELETUMBULO 18:2

Elai itali hokwa eendunge, ndelenee okuholola ashike omutima walo.

OMAYELETUMBULO 14:33

Ounongo tau tulumukwa momutima womunaendunge, ndele tau li holola mokati komalai.

OMUUDIFI 10:13

Ehovelo leendjovo dokanya kalo olo oulai, nexulilo lokupopya kwalo oushima.