OMAYELETUMBULO 13:11 - Ombibeli Iyapuki

¹¹ Oinima ya likolwa noupu tai ninipala, ndelenee ou ta diinine mokwoongela kanini nakanini, ota ka weda ko alushe.

OMAYELETUMBULO 13:11 Referans Kwoze

OMAYELETUMBULO 20:21

Oinima tai hakanwa unene pehovelo, oxuuninwa itai eta enangeko noupuna.

OMAYELETUMBULO 10:2

Omamona a likolwa mouhenakalunga, itaa kwafa sha, ndelenee ouyuki tau xupifa mefyo.

OMAYELETUMBULO 28:8

Ou ta hapupalifa emona laye noishoshela noifutifa, ota ongelele ou ta file eehepele onghenda.

OMAYELETUMBULO 28:22

Onakufya efupa a hala okulikongela divadiva, ndele ke shi shii, nokutya oluhepo tali ke mu hanga.

OMAYELETUMBULO 28:20

Omulumenhu e shii kulineekelwa ta nangekwa noupuna shili. Ndelenee ou e nolwisho lokupunapala, ita kala ina handukilwa.

JEREMIA 17:11

Ngaashi odila tai tendula omai inai a dala, osho yo ou te lilikolele oupuna nomakoto. Pokati komafiku okukala kwaye oku noku a fiya po, nopexulilo laye ota ka kala elai.

OMAPSALOME 128:2

Eshi we lilongela nomake oye, osho oshikongwa shoye shili, ou nelao, to kala nawa.

JOB 20:15

Okwa pona po oupuna, ndelenee e noku u kunga mo vali. Medimo laye Kalunga te u taataa mo.

OMUUDIFI 5:14

Oupuna ngeenge tau kanifwa po molwoshiponga, ndele e nomona omumati, ye ehe na sha vali.

OMAYELETUMBULO 13:10

Elinenepeko tali eta eemhata. Ndelenee pwaava hava tambula omapukululo, ope nounongo.

OMAYELETUMBULO 13:12

Okuteelela efimbo lile taku kulaukifa omwenyo. Ndelenee eteelelo la wanifwa olo omuti womwenyo.

OMAYELETUMBULO 21:6

Ovo tave likongele omamona nelaka loipupulu, vo va fa omhepo tai pepe, nomwiyo wefyo!